|
|
by Suryaa Desk | Mon, Dec 01, 2025, 04:18 PM
నందమూరి బాలకృష్ణ అభిమానులు ఎంతో ఆసక్తిగా ఎదురుచూస్తున్న 'అఖండ-2' సినిమా నుంచి అదిరిపోయే అప్డేట్ వచ్చేసింది. దర్శకుడు బోయపాటి శ్రీను, సంగీత దర్శకుడు తమన్ కాంబినేషన్లో వస్తున్న ఈ భారీ చిత్రం ఆడియో జ్యూక్బాక్స్ను చిత్రబృందం సోమవారం విడుదల చేసింది. "దైవిక సంగీత ప్రవాహం మొదలైంది" అంటూ సోషల్ మీడియా వేదికగా ఈ విషయాన్ని ప్రకటించింది.'అఖండ' చిత్రానికి సంగీతం ఎంత పెద్ద బలంగా నిలిచిందో అందరికీ తెలిసిందే. తమన్ అందించిన నేపథ్య సంగీతం సినిమాను మరో స్థాయికి తీసుకెళ్లింది. ఇప్పుడు 'అఖండ-2' కోసం కూడా అంతకుమించిన స్థాయిలో సంగీతం అందించినట్లు తెలుస్తోంది. విడుదలైన జ్యూక్బాక్స్లోని పాటలు, థీమ్ మ్యూజిక్ ఫ్యాన్స్ను విపరీతంగా ఆకట్టుకుంటున్నాయి. దీంతో సినిమాపై అంచనాలు మరింత పెరిగాయి.14 రీల్స్ ప్లస్ పతాకంపై రామ్ ఆచంట, గోపి ఆచంట ఈ చిత్రాన్ని భారీ స్థాయిలో నిర్మిస్తున్నారు.
Latest News