|
|
by Suryaa Desk | Wed, Nov 19, 2025, 03:47 PM
నయనతారకు ఆమె భర్త, ప్రముఖ దర్శకుడు విఘ్నేశ్ శివన్ ఎప్పటికీ గుర్తుండిపోయే పుట్టినరోజు కానుక ఇచ్చాడు. తన 41వ పుట్టినరోజు జరుపుకున్న నయనతారకు విఘ్నేశ్ సుమారు రూ.10 కోట్ల విలువైన రోల్స్ రాయిస్ బ్లాక్ బ్యాడ్జ్ స్పెక్టర్ కారును బహుమతిగా అందించారు. ఈ ఖరీదైన కారుతో కుటుంబ సమేతంగా దిగిన ఫొటోలు ప్రస్తుతం సోషల్ మీడియాలో వైరల్ అవుతున్నాయి.ఈ సంతోషకరమైన క్షణాలను విఘ్నేశ్ శివన్ తన ఇన్స్టాగ్రామ్లో పంచుకున్నాడు. తన భార్యపై ఉన్న ప్రేమను వ్యక్తం చేస్తూ భావోద్వేగపూరితమైన క్యాప్షన్ రాశాడు. "నా ప్రియమైన బంగారానికి పుట్టినరోజు శుభాకాంక్షలు. దేవుడు మాకు ఎప్పుడూ ఇలాంటి మధురమైన క్షణాలనే అందించాలి" అని పేర్కొన్నాడు.విఘ్నేశ్ శివన్ తన భార్యకు లగ్జరీ కార్లను బహుమతిగా ఇవ్వడం ఇది మొదటిసారి కాదు. గత కొన్నేళ్లుగా దీన్ని ఒక సంప్రదాయంగా మార్చారు. 2023లో రూ.3 కోట్ల విలువైన మెర్సిడెస్ మేబ్యాక్ కారును, 2024లో రూ.5 కోట్ల విలువైన మెర్సిడెస్ బెంజ్ మేబ్యాక్ జీఎల్ఎస్ 600ను బహుమతిగా ఇచ్చారు. ఈ ఏడాది అంతకుమించి ఖరీదైన రోల్స్ రాయిస్ను కానుకగా ఇచ్చి తన ప్రేమను చాటుకున్నాడు.
Latest News