|
|
by Suryaa Desk | Mon, Jul 28, 2025, 09:22 AM
టాలీవుడ్ రౌడీ స్టార్ విజయ్ దేవరకొండ నటిస్తున్న 'కింగ్డమ్' చిత్రం జులై 31, 2025న విడుదలకి సిద్ధంగా ఉంది. ఈ పాన్-ఇండియన్ చిత్రం పై భారీ అంచనాలు ఉన్నాయి. ఈ సినిమా రెండు భాగాలుగా విడుదల కానుంది. ఇటీవలే విడుదలైన ఈ సినిమా సాంగ్స్ మరియు ట్రైలర్ కి భారీ స్పందన లభించింది. తాజాగా ఇప్పుడు చిత్ర బృందం ఈ సినిమా యొక్క ప్రీ రిలీజ్ ఈవెంట్ ని ఈరోజు సాయంత్రం 5 గంటల నుండి హైదరాబాద్ లోని యూసఫ్ గూడా పోలీస్ గ్రౌండ్స్ నిర్వహిస్తున్నట్లు ప్రకటించింది. అంతేకాకుండా ఈ ఈవెంట్ లో అనిరుద్ యొక్క లైవ్ పెర్ఫార్మన్స్ కూడా జరుగనున్నట్లు మేకర్స్ వెల్లడించారు. ఈ విషయాన్ని తెలియజేసేందుకు మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ చిత్రంలో విజయ్ స్పై ఏజెంట్గా కనిపించనున్నారు. ఈ చిత్రంలో భగ్యాశ్రీ బోర్స్ మహిళా ప్రధాన పాత్ర పోషిస్తుంది. ఈ చిత్రంలో వెంకటేష్, సత్య దేవ్ కీలక పాత్రలో నటిస్తున్నారు. శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్చూన్ ఫోర్ సినిమాస్ సంయుక్తంగా ఈ చిత్రాన్ని నిర్మిస్తున్నాయి. అనిరుద్ రవిచందర్ ఈ చిత్రానికి సంగీతాన్ని అందిస్తున్నారు. జెర్సీ ఫేమ్ గౌతమ్ తిన్నురి దర్శకత్వం వహిస్తున్న ఈ చిత్రానికి కథ కూడా గౌతమ్ రాసుకున్నారు.
Latest News