|
|
by Suryaa Desk | Sun, Feb 01, 2026, 03:22 PM
నటుడు శివకార్తికేయన్, శ్రీలీల జంటగా నటించిన తమిళ చిత్రం 'పరాశక్తి' ఓటీటీలోకి వచ్చేస్తోంది. ఇటీవలే థియేటర్లలో విడుదలై మిశ్రమ స్పందన అందుకున్న ఈ సినిమా డిజిటల్ స్ట్రీమింగ్ తేదీ ఖరారైంది. ప్రముఖ ఓటీటీ ప్లాట్ఫాం జీ5లో ఫిబ్రవరి 7 నుంచి ఈ చిత్రం అందుబాటులోకి రానుంది. ఈ మేరకు అధికారిక ప్రకటన వెలువడింది.సుధా కొంగర దర్శకత్వం వహించిన 'పరాశక్తి' ఒక పీరియాడికల్ పొలిటికల్ యాక్షన్ డ్రామా. 1964లో తమిళనాడులో హిందీని జాతీయ భాషగా ప్రకటించడాన్ని వ్యతిరేకిస్తూ జరిగిన ఉద్యమం నేపథ్యంలో ఈ చిత్రాన్ని తెరకెక్కించారు. విద్యార్థులు, గ్రామస్తులు పోలీసులతో ఘర్షణపడిన వాస్తవ సంఘటనల ఆధారంగా ఈ సినిమా సాగుతుంది. ఇందులో పలు వివాదాస్పద సంభాషణలు ఉండటంతో సెన్సార్ బోర్డు 20కి పైగా కట్స్ సూచించినట్లు అప్పట్లో వార్తలు వచ్చాయి.అన్ని కార్యక్రమాలు పూర్తిచేసుకుని ఈ చిత్రం సంక్రాంతి కానుకగా జనవరి 10న థియేటర్లలో విడుదలైంది.
Latest News