'మన శంకర వరప్రసాద్ గారు' చిత్రంపై ప్రశంసల వర్షం కురిపించిన అల్లు అర్జున్
|
|
by Suryaa Desk | Sun, Jan 25, 2026, 03:30 PM
టాలీవుడ్ నటుడు నారా రోహిత్ గతేడాది అక్టోబర్లో తన ప్రియురాలు శిరీషను వివాహం చేసుకున్న సంగతి తెలిసిందే. అప్పట్లో పెళ్లి ఫొటోలను పంచుకున్న ఆయన, తాజాగా తన వివాహ వేడుకకు సంబంధించిన వీడియోను సోషల్ మీడియాలో షేర్ చేశారు. అత్యంత వైభవంగా జరిగిన ఈ పెళ్లి వేడుక వీడియో ప్రస్తుతం నెట్టింట వైరల్ అవుతూ అందరినీ ఆకట్టుకుంటోంది. అభిమానులు, నెటిజన్లు నూతన దంపతులకు శుభాకాంక్షలు తెలుపుతున్నారు.గతేడాది అక్టోబర్ 30న హైదరాబాద్లోని ఓ ప్రముఖ కన్వెన్షన్ సెంటర్లో వీరి వివాహం అత్యంత వైభవంగా జరిగింది. ఈ వేడుకకు కుటుంబ సభ్యులు, బంధుమిత్రులతో పాటు సినీ, రాజకీయ రంగాలకు చెందిన పలువురు ప్రముఖులు హాజరయ్యారు. ముఖ్యంగా ఏపీ సీఎం చంద్రబాబు నాయుడు, ఆయన అర్ధాంగి భువనేశ్వరి, మంత్రి నారా లోకేశ్ సహా నారా కుటుంబ సభ్యులు పెద్ద సంఖ్యలో పాల్గొని నూతన వధూవరులను ఆశీర్వదించారు. చంద్రబాబు, భువనేశ్వరి దంపతులు దగ్గరుండి అన్ని కార్యక్రమాలను పర్యవేక్షిస్తూ పెద్దలుగా వ్యవహరించారు.నారా రోహిత్ సతీమణి శిరీష, ఆయన హీరోగా నటించిన 'ప్రతినిధి 2' చిత్రంలో కథానాయికగా నటించారు. ఆ సినిమా షూటింగ్ సమయంలోనే వీరి మధ్య పరిచయం ఏర్పడి, అది ప్రేమగా మారింది. ఇరు కుటుంబాల పెద్దల అంగీకారంతో వీరి నిశ్చితార్థం కూడా జరిగింది. అయితే, ఆ తర్వాత రోహిత్ తండ్రి, చంద్రబాబు సోదరుడు అయిన రామ్మూర్తి నాయుడు అనారోగ్యంతో కన్నుమూయడంతో పెళ్లి కొంతకాలం వాయిదా పడింది. పరిస్థితులు అనుకూలించాక వీరి వివాహం ఘనంగా జరిగింది.
Latest News