ఇందిరమ్మ పథకం.. తెలంగాణ ప్రభుత్వం నిరుపేదలకు డబుల్ బెడ్ రూమ్ ఇళ్ల మంజూరు
|
|
by Suryaa Desk | Mon, Jul 07, 2025, 03:58 PM
తెలంగాణ ప్రభుత్వం మహిళల ఆర్థిక స్వావలంబనకు మరింత బలోపేతం చేసే దిశగా కీలక నిర్ణయాలు తీసుకుంటోంది. ముఖ్యమంత్రి రేవంత్ రెడ్డి తాజాగా ప్రకటించిన ప్రకారం, రాష్ట్రంలో 1000 కొత్త బస్సులను కొనుగోలు చేసి, వాటిని మహిళా స్వయంసహాయ సంఘాల (SHGలు) ద్వారా తెలంగాణ రాష్ట్ర రోడ్డు రవాణా సంస్థ (RTC)కు అద్దెకు ఇవ్వడం జరిగింది. ఈ చర్య ద్వారా మహిళలకు ఆదాయం , వారి ఆర్థిక స్థితిగతులు మెరుగవుతాయని ఆశిస్తున్నారు.
మహిళల అభివృద్ధికి ప్రాధాన్యతనిస్తూ ప్రభుత్వం ఇప్పటికే పలు రంగాల్లో వారికి అవకాశాలు కల్పిస్తోంది. అమ్మ ఆదర్శ పాఠశాలల స్థాపన, సోలార్ విద్యుత్ రంగంలో మహిళలకు ప్రోత్సాహం, అలాగే ఉచిత బస్సు ప్రయాణ సౌకర్యం వంటి పథకాల ద్వారా మహిళల సామర్థ్యాన్ని పెంపొందించేందుకు ప్రభుత్వం కృషి చేస్తోంది. అన్ని రంగాల్లో మహిళలు రాణిస్తున్నందునే వారికి అన్ని రంగాల్లో ప్రాధాన్యం ఇవ్వడం జరుగుతోందని ముఖ్యమంత్రి పేర్కొన్నారు.
ఇటీవల హైటెక్ సిటీ ప్రాంతంలో విలువైన 3.5 ఎకరాల స్థలాన్ని మహిళా సంఘాలకు కేటాయించడం కూడా ప్రభుత్వ దృష్టిని స్పష్టం చేస్తుంది. ఈ స్థలంలో మహిళలు తమ ఉత్పత్తులను ప్రదర్శించి విక్రయించే అవకాశాన్ని పొందగలుగుతారు. ఈ అవకాశాలు మహిళలకు స్వావలంబన దిశగా ఒక పెద్ద అడుగుగా నిలుస్తాయని, తెలంగాణ రాష్ట్రం మహిళల అభివృద్ధిలో దేశానికి ఆదర్శంగా నిలుస్తుందని సీఎం రేవంత్ తెలిపారు.
