|
|
by Suryaa Desk | Sat, Dec 13, 2025, 10:09 AM
తెలుగు సినిమా తొలితరం నేపథ్య గాయకులలో ఒకరైన ఘంటసాల వెంకటేశ్వరరావు బయోపిక్ కు ఇంకా కష్టాలు తీరలేదు. ఎప్పుడో షూటింగ్ పూర్తి చేసుకుని, తొలికాపీని సిద్థం చేసుకుందీ సినిమా. పలు మార్లు ఈ సినిమాను పలువురు సినీ, రాజకీయ ప్రముఖులకు స్పెషల్ షోస్ ను వేశారు. చూసిన వారంతా బాగుందని అన్నారు. అయితే విడుదల విషయంలో అడుగు ముందుకు పడటం లేదు. నిజానికి ఈ యేడాది ఫిబ్రవరిలోనే 'ఘంటసాల ది గ్రేట్' మూవీని ఒక్కో జిల్లాలో రెండు రోజుల చొప్పున విడుదల చేసి ప్రదర్శించాలని మేకర్స్ భావించారు. కానీ ఆ ఆలోచన కార్యరూపం దాల్చలేదు. దాంతో డిసెంబర్ 12న థియేటర్ లలో దీనిని విడుదల చేయడానికి ప్రముఖ పంపిణీ దారులైన శోభారాణి ముందుకొచ్చారు. అంతా ఈసారి 'ఘంటసాల ది గ్రేట్' విడుదల అవుతుందని భావించారు. నిజానికి 'అఖండ 2' సినిమా కారణంగా డిసెంబర్ 12న విడుదల కావాల్సిన చాలా సినిమాలు వేరే డేట్స్ కు వెళ్ళిపోయాయి. అయితే... తమ సినిమా అనివార్య కారణాల వల్ల డిసెంబర్ 12న రావడం లేదని, జనవరి 2న దీనిని విడుదల చేస్తున్నామని మేకర్స్ తెలిపారు.
Latest News