|
|
by Suryaa Desk | Tue, Oct 28, 2025, 04:01 PM
టాలీవుడ్లో యువ కథానాయికగా దూసుకుపోతున్న శ్రీలీల ఇటీవల తన లుక్తో అందరినీ ఆశ్చర్యపరిచింది. ఎప్పుడూ చలాకీగా కనిపించే ఈ బ్యూటీ, ఉన్నట్టుండి మరింత నాజూగ్గా మారడంతో సోషల్ మీడియాలో ఆమె కొత్త ఫొటోలు వైరల్ అయ్యాయి. దీనిపై అభిమానుల నుంచి వస్తున్న కామెంట్ల నేపథ్యంలో, తన స్లిమ్ లుక్ వెనుక ఉన్న రహస్యాన్ని శ్రీలీల స్వయంగా ఓ ఇంటర్వ్యూలో వెల్లడించింది.తాను ఈ మధ్య ఆహార నియంత్రణపై దృష్టి పెట్టినట్లు శ్రీలీల తెలిపింది. "గతంలో అమ్మమ్మ ఒంగోలు నుంచి అరిసెలు పంపిస్తే ప్యాకెట్ ఖాళీ అయ్యేవరకూ తినేదాన్ని. చెకోడీలు, బజ్జీలు కూడా బాగా తినేసేదాన్ని. ఇప్పుడు వాటన్నింటినీ తగ్గించాను. సరైన ఆహారం తీసుకోవాలని నిర్ణయించుకున్నాను" అని నవ్వుతూ చెప్పింది.ఇంతలా సన్నబడటంతో చాలామంది ఆమెను అలనాటి అందాల తార శ్రీదేవితో పోలుస్తున్నారు. ఈ విషయంపై శ్రీలీల స్పందిస్తూ, "నేను శ్రీదేవిని కాదు. ప్రతి ఒక్కరి శరీరాకృతి వేరుగా ఉంటుంది. నా శరీరం గురించి నాకు బాగా తెలుసు. పైగా నేను ఒక డాక్టర్ని కూడా" అని స్పష్టం చేసింది. ప్రేక్షకులు డబ్బులు పెట్టి థియేటర్కు వస్తున్నప్పుడు వారికి ఉత్తమంగా కనిపించడం తన బాధ్యత అని, అందుకే తన లుక్పై శ్రద్ధ తీసుకుంటున్నానని వివరించింది.
Latest News