|
|
by Suryaa Desk | Tue, Oct 28, 2025, 02:33 PM
టాలీవుడ్ నటుడు అడివి శేష్ 'డాకోయిట్' అనే చిత్రంతో ప్రేక్షకులని అలరించటానికి సిద్ధమవుతున్నారు. కొత్తగా వచ్చిన షానియల్ డియో దర్శకత్వం వహించిన గ్రిప్పింగ్ లవ్ స్టోరీ పైచాలా అంచనాలు ఉన్నాయి. ఈ చిత్రంలో మృణాల్ ఠాకూర్ కథానాయికగా నటిస్తుంది. హిందీ, తెలుగు భాషల్లో ఏకకాలంలో ఈ సినిమాని చిత్రీకరిస్తున్నారు. ఇటీవలే మేకర్స్ ఈ సినిమా యొక్క పవర్-ప్యాక్డ్ గ్లింప్స్ను విడుదల చేయగా భారీ స్పందన లభించింది. తాజాగా ఇప్పుడు మూవీ మేకర్స్ ఈ సినిమాని మార్చి 19న తెలుగు మరియు హిందీలో విడుదల చేయనున్నట్లు ప్రకటించారు. ఈ విషయాన్ని తెలియజేసేందుకు ప్రొడక్షన్ హౌస్ సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంలో ప్రకాష్ రాజ్, సునీల్, అతుల్ కులకర్ణి, జైన్ మేరీ ఖాన్, అనురాగ్ కశ్యప్, కామక్షి భాస్కర్లా కూడా నటించారు. అడివి శేష్ మరియు షానీల్ డియో ఈ చిత్రానికి కథ మరియు స్క్రీన్ ప్లే కూడా అందించారు. ఈ ప్రతిష్టాత్మక ప్రాజెక్ట్ను సుప్రియ యార్లగడ్డ నిర్మించగా, సునీల్ నారంగ్ సహ నిర్మాతగా, అన్నపూర్ణ స్టూడియోస్ సమర్పణలో ఉంది. ఈ సినిమాకి భీమ్స్ సెసిరోలియో ట్యూన్లను కంపోజ్ చేస్తున్నారు.
Latest News