|
|
by Suryaa Desk | Mon, Oct 27, 2025, 02:58 PM
టాలీవుడ్ యువ నటుడు రోషన్ కనకాల ఒక విభిన్నమైన ప్రేమ మరియు యాక్షన్ డ్రామా 'మోగ్లీ 2025' తో ప్రేక్షకులని అలరించటానికి సిద్ధంగా ఉన్నాడు. సందీప్ రాజ్ దర్శకత్వం వహించిన ఈ సినిమా పై భారీ అంచనాలు ఉన్నాయి. ఈ చిత్రంలో సాక్షి మడోల్కర్ మహిళా ప్రధాన పాత్రలో నటించారు. ఈ సినిమాలో బండి సరోజ్ కుమార్, హర్ష కీలక పాత్రలో నటిస్తున్నారు. ఇటీవలే మూవీ మేకర్స్ సయ్యారే అనే తొలి పాటను ఆవిష్కరించారు. కాల భైరవ కంపోస్ చేసిన ఈ సాంగ్ కి చంద్రబోస్ లిరిక్స్ అందించగా, కాల భైరవ మరియు ఐశ్వర్య దరూరి తమ గాత్రాలని అందించారు. తాజాగా ఇప్పుడు మూవీ మేకర్స్ ఈ సాంగ్ యూట్యూబ్ మ్యూజిక్ లో ట్రేండింగ్ లో ఉన్నట్లు ప్రకటించారు. ఈ విషయాని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ చిత్రానికి కాలభైరవ సంగీత దర్శకుడు. రామమూర్తి, పవన్ కళ్యాణ్ సినిమాటోగ్రఫీ, ఎడిటింగ్ విభాగాలను నిర్వహిస్తున్నారు. ఈ చిత్రం డిసెంబర్ 12న ప్రేక్షకుల ముందుకు రానుంది. పీపుల్ మీడియా ఫ్యాక్టరీ క్రింద TG విశ్వ ప్రసాద్ మరియు కృతి ప్రసాద్లు ఈ సినిమాని నిర్మించారు.
Latest News