|
|
by Suryaa Desk | Fri, Oct 24, 2025, 03:01 PM
భను భోగవారపు దర్శకత్వంలో మాస్ రాజా రవి తేజా తన తదుపరి చిత్రాన్ని ప్రకటించిన సంగతి అందరికి తెలిసిందే. ఈ రాబోయే ఎంటర్టైనర్ కి 'మాస్ జాతర' అనే టైటిల్ ని లాక్ చేసారు. ఈ సినిమా అక్టోబర్ 31న విడుదల కానుంది. ఇటీవలే మూవీ మేకర్స్ ఈ సినిమాలోని సూపర్ డూపర్ సాంగ్ ని విడుదల చేసారు. భీమ్స్ సెసిరోలియో కంపోస్ చేసిన ఈ సాంగ్ కి సురేష్ లిరిక్స్ అందించగా, రోహిణి మరియు భీమ్స్ సెసిరోలియో తమ గాత్రాలని అందించారు. తాజాగా ఇప్పుడు ఈ సాంగ్ యూట్యూబ్ మ్యూజిక్ ఛార్ట్స్ లో ట్రేండింగ్ లో ఉన్నట్లు మూవీ మేకర్స్ ప్రకటించారు. ఈ విషయాని తెలియజేసేందుకు ప్రొడక్షన్ హౌస్ సోషల్ మీడియాలో సరికొత్త పోస్టర్ ని విడుదల చేసింది. ప్రముఖ తెలుగు నటుడు నవీన్ చంద్ర, రాజేంద్ర ప్రసాద్, ఆది ఈ చిత్రంలో కీలక పాత్రలో నటిస్తున్నారు. ఈ చిత్రంలో శ్రీలీల మహిళా ప్రధాన పాత్ర పోషిస్తుంది. ఈ చిత్రంలో రవితేజ రైల్వే ప్రొటెక్షన్ ఫోర్స్ (RPF) అధికారిగా కనిపించనున్నారు. ఈ సినిమాకి సంగీతాన్ని భీమ్స్ సెసిరోలియో ట్యూన్ చేశారు. నాగ వంశి మరియు సాయి సౌజన్య సీతారా ఎంటర్టైన్మెంట్స్, ఫార్చ్యూన్ ఫోర్ సినిమాస్ మరియు శ్రీఖర స్టూడియోస్ బ్యానర్లలో ఈ చిత్రాన్ని నిర్మిస్తున్నారు.
Latest News