|
|
by Suryaa Desk | Fri, Oct 24, 2025, 10:26 AM
యువ దర్శకుడు సందీప్ రాజ్ తన తాజా చిత్రం 'మోగ్లీ 2025' తో తిరిగి వచ్చాడు. ఈ సినిమాలోని వరల్డ్ అఫ్ మోగ్లీ గ్లింప్సె సినిమా పై భారీ అంచనాలు పెంచింది. రోషన్ కనకాలా ప్రధాన పాత్రలో నటించిన ఈ చిత్రం ఇప్పటికే బజ్ ని క్రియేట్ చేస్తోంది. ఈ చిత్రంలో సాక్షి మడోల్కర్ మహిళా ప్రధాన పాత్రలో నటించారు. ఈ సినిమాలో బండి సరోజ్ కుమార్, హర్ష కీలక పాత్రలో నటిస్తున్నారు. ఈ సినిమా యొక్క ఫస్ట్ సింగల్ ని సయ్యారే అనే టైటిల్ తో అక్టోబర్ 24న ఉదయం 12:06 గంటలకి హైదరాబాద్ లోని AMB సినిమాస్ లో విడుదల చేయనున్నట్లు ప్రకటించారు. కల భైరవ కంపోస్ చేసిన ఈ సాంగ్ కి చంద్ర బోస్ లిరిక్స్ అందించారు. తాజాగా ఇప్పుడు ఈ సాంగ్ లాంచ్ ఈవెంట్ కి చీఫ్ గెస్ట్ గా స్టార్ మ్యూజిక్ డైరెక్టర్ కీరవాణి హాజరుకానున్నట్లు ప్రకటించారు. ఈ విషయాని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. రామమూర్తి, పవన్ కళ్యాణ్ సినిమాటోగ్రఫీ, ఎడిటింగ్ విభాగాలను నిర్వహిస్తున్నారు. పీపుల్ మీడియా ఫ్యాక్టరీ బ్యానర్ క్రింద టిజి విశ్వ ప్రసాద్ నిర్మించిన ఈ చిత్రానికి కాలభైరవ సంగీత దర్శకుడుగా ఉన్నారు. ఈ సినిమా డిసెంబర్ 12న విడుదల కానుంది.
Latest News