|
|
by Suryaa Desk | Tue, Aug 12, 2025, 09:41 AM
జైన్స్ నాని దర్శకత్వంలో టాలీవుడ్ యువ నటుడు కిరణ్ అబ్బావరం ప్రధాన పాత్రలో నటించిన తన రాబోయే చిత్రం 'కె-ర్యాంప్' తో ప్రేక్షకులని అలరించటానికి సిద్ధంగా ఉన్నారు. ఈ సినిమా ఫస్ట్ లుక్ మరియు గ్లింప్సెకి ఇటీవలే విడుదల కాగా భారీ స్పందన లభించింది. ఈ సినిమా మ్యూజికల్ ప్రమోషన్స్ ని మేకర్స్ ప్రారంభించారు. మూవీ మేకర్స్ ఈ సినిమా యొక్క ఫస్ట్ సింగల్ ని ఓనం అనే టైటిల్ తో విడుదల చేసారు. చైతన్ భర్ద్వాజ్ కంపోస్ చేసిన ఈ సాంగ్ కి సురేంద్ర కృష్ణ లిరిక్స్ అందించగా, చైతన్ భర్ద్వాజ్ మరియు సాహితి చాగంటి తమ గాత్రాలని అందించారు. తాజాగా ఇప్పుడు ఈ సాంగ్ 2.5 మిలియన్ వ్యూస్ తో యూట్యూబ్ మ్యూజిక్ ఛార్ట్స్ లో ట్రేండింగ్ లో ఉన్నట్లు చిత్ర బృందం ప్రకటించింది. ఈ విషయాన్ని అధికారికంగా సోషల్ మీడియాలో స్పెషల్ పోస్టర్ ని విడుదల చేసి ప్రకటించారు. ఈ చిత్రంలో యుక్తి థారెజా మహిళా ప్రధాన పాత్రలో నటిస్తుంది. ఈ సినిమా అక్టోబర్ 18న విడుదల కానుంది. హస్యా మూవీస్ బ్యానర్ కింద రేజేష్ దండా నిర్మించిన, బాలాజీ గుత్తా మరియు ప్రభాకర్ బురుగు సహ నిర్మాతలుగా ఉన్నారు. ఈ చిత్రానికి సంగీతాన్ని చైతన్ భర్ద్వాజ్ స్వరపరిచారు.
Latest News