|
|
by Suryaa Desk | Mon, Oct 06, 2025, 05:14 PM
స్టార్ బాయ్ సిద్ధు జొన్నలగడ్డ తదుపరి రొమాంటిక్ ఎంటర్టైనర్ 'తెలుసు కదా' అనే చిత్రంతో ప్రేక్షకులని అలరించటానికి సిద్ధంగా ఉన్నాడు. ఈ చిత్రం అత్యున్నత నిర్మాణ విలువలు మరియు భారీ బడ్జెట్తో రూపొందుతోంది. గార్జియస్ బ్యూటీస్ రాశి ఖన్నా, శ్రీనిధి శెట్టి ఈ సినిమాలో కథానాయికలుగా నటిస్తున్నారు. వైవా హర్ష ఈ సినిమాలో కీలక పాత్రలో కనిపించనున్నారు. ఇటీవలే మేకర్స్ ఈ సినిమాలోని మొదటి పాటని మల్లికా గంధ అనే టైటిల్ తో విడుదల చేసారు. థమన్ కంపోస్ చేసిన ఈ సాంగ్ కి కృష్ణ కాంత్ లిరిక్స్ అందించగా, సిద్ శ్రీరామ్ గాత్రాన్ని అందించారు. తాజాగా ఇప్పుడు ఈ సాంగ్ ఇంస్టాగ్రామ్ లో 100K+ రీల్స్ ని నమోదు చేసినట్లు మేకర్స్ ప్రకటించారు. ఈ విషయాన్ని తెలియజేసేందుకు ప్రొడక్షన్ హౌస్ సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంతో ప్రముఖ స్టైలిస్ట్ నీరజ కోన దర్శకురాలిగా పరిచయం అవుతోంది. ఈ చిత్రాన్ని పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్నారు. చార్ట్-టాపింగ్ మ్యూజిక్కి పేరుగాంచిన థమన్ ఎస్ సౌండ్ట్రాక్ కంపోజ్ చేస్తున్నాడు. ఈ చిత్రం అక్టోబర్ 17, 2025న దీపావళి స్పెషల్గా విడుదల కానుంది.
Latest News