|
|
by Suryaa Desk | Mon, Sep 15, 2025, 04:34 PM
గోవా బ్యూటీ ఇలియానా ప్రస్తుతం మాతృత్వాన్ని ఆస్వాదిస్తున్నారు. గతేడాది మైఖేల్ డోలన్ను వివాహం చేసుకున్న ఆమె, ఇద్దరు పిల్లలకు తల్లి అయ్యారు. అయితే, రెండో బిడ్డకు జన్మనిచ్చిన సమయంలో తాను ఎదుర్కొన్న మానసిక సవాళ్ల గురించి ఇటీవల ఓ ఇంటర్వ్యూలో పంచుకున్నారు. ఆ అనుభవం తాను ఊహించిన దానికంటే చాలా కష్టంగా ఉందని ఆమె పేర్కొన్నారు.తొలి బిడ్డ కోవా ఫీనిక్స్ డోలన్ పుట్టినప్పుడు అంతా కొత్తగా, సాఫీగా అనిపించిందని ఇలియానా తెలిపారు. "ఒంటరి మహిళ జీవితం నుంచి ఒక్కసారిగా తల్లిగా మారిపోయాను. ఆ మార్పును అంగీకరించి, బిడ్డ ఆలనాపాలనపై దృష్టి పెట్టాను" అని ఆమె వివరించారు. కానీ, రెండో బిడ్డ కీను రాఫే డోలన్ పుట్టిన తర్వాత పరిస్థితి పూర్తిగా మారిపోయిందని ఆమె వెల్లడించారు. ఆ సమయంలో తీవ్రమైన మానసిక గందరగోళానికి గురైనట్లు ఇలియానా చెప్పుకొచ్చారు.ప్రస్తుతం విదేశాల్లో నివసిస్తున్న తనకు స్నేహితులెవరూ అందుబాటులో లేకపోవడంతో ఆ సమయంలో చాలా ఒంటరిగా అనిపించిందని ఇలియానా ఆవేదన వ్యక్తం చేశారు. "ఎలాంటి మద్దతు లేకుండా ఒంటరిగా ఉండటం ఒక సవాల్గా మారింది. ముంబైని, అక్కడి నా స్నేహితులు అందించిన మానసిక స్థైర్యాన్ని చాలా మిస్ అవుతున్నాను" అని ఆమె అన్నారు.
Latest News