|
|
by Suryaa Desk | Sat, Oct 04, 2025, 08:59 PM
Wine Shops: తెలంగాణలో డిసెంబర్ 1 నుంచి ప్రారంభమయ్యే కొత్త మద్యం దుకాణాలకు సంబంధించి రాష్ట్ర ఎక్సైజ్ శాఖ తాజా నోటిఫికేషన్ విడుదల చేసింది. ఈ దుకాణాల కోసం దరఖాస్తుల స్వీకరణ సెప్టెంబర్ 26న ప్రారంభమైందని అధికారులు తెలిపారు.శనివారం వరకు రాష్ట్ర వ్యాప్తంగా మొత్తం 447 దరఖాస్తులు అందాయని ఎక్సైజ్ శాఖ అధికారులు పేర్కొన్నారు. సోమవారం నుంచి ఈ సంఖ్య మరింతగా పెరిగే అవకాశముందని సమాచారం.మేడ్చల్ యూనిట్ పరిధిలో ఉన్న 118 కొత్త మద్యం దుకాణాలకు ఇప్పటి వరకు 20 దరఖాస్తులు మాత్రమే వచ్చాయని పేర్కొన్నారు. దరఖాస్తుల స్వీకరణ అక్టోబర్ 18 వరకు కొనసాగనుంది.రాష్ట్రంలోని 2,620 మద్యం దుకాణాల నిర్వహణ కోసం దరఖాస్తుదారులను లాటరీ విధానం ద్వారా అక్టోబర్ 23న ఎంపిక చేయనున్నారు. దరఖాస్తుతో పాటు, ప్రతి దరఖాస్తుదారుడు రూ.3 లక్షల డీడీ లేదా చలాన్ రూపంలో చెల్లింపు రశీదును జతపరచాల్సి ఉంటుంది.ఈ దుకాణాల కేటాయింపులో సామాజిక న్యాయం పాటిస్తూ, గౌడ కులస్థులకు 15%, ఎస్సీలకు 10%, ఎస్టీలకు 5% రిజర్వేషన్లు కేటాయించారు. డీడీ లేదా చలాన్లు జిల్లా ప్రొహిబిషన్ & ఎక్సైజ్ అధికారి (DPO) పేరునే తీసుకోవాలి.అంతేకాకుండా, దరఖాస్తుల పూర్తి వివరాలు, రిజర్వేషన్ల సమాచారం, గైడ్లైన్స్ తదితర అంశాలను ఎక్సైజ్ శాఖ అధికారిక వెబ్సైట్ tgbcl.telangana.gov.in లో పొందుపరిచినట్లు అధికారులు తెలిపారు.
