|
|
by Suryaa Desk | Thu, Jul 10, 2025, 06:17 PM
నాంపల్లి ప్రజాప్రతినిధుల కోర్టు మంత్రి ఉత్తమ్ కుమార్ రెడ్డికి గురువారం నాన్‌ బెయిలబుల్‌ వారెంట్‌ జారీ చేసింది. అసెంబ్లీ ఎన్నికల సందర్భంగా ఎన్నికల కోడ్‌ను ఉల్లంఘించారనే ఆరోపణలపై విచారణకు హాజరు కాకపోవడంతో కోర్టు ఈ నిర్ణయం తీసుకుంది. ఎన్నికల ప్రచారంలో సభలు నిర్వహించి, ట్రాఫిక్ జామ్‌కు కారణమై ప్రజలకు ఇబ్బందులు కలిగించారని పోలీసులు గతంలో ఆయనపై కేసులు నమోదు చేశారు.
మంత్రి ఉత్తమ్ కుమార్ రెడ్డి విచారణకు హాజరు కాకపోవడంతో కోర్టు కఠిన చర్యలకు దిగింది. నాన్‌ బెయిలబుల్‌ వారెంట్‌ జారీతో పాటు, తదుపరి విచారణను ఈ నెల 16వ తేదీకి వాయిదా వేస్తూ నిర్ణయం తీసుకుంది. ఆ రోజు తప్పనిసరిగా విచారణకు హాజరు కావాలని కోర్టు ఆదేశించింది.
ఈ ఘటన రాజకీయ వర్గాల్లో చర్చనీయాంశంగా మారింది. ఎన్నికల కోడ్‌ ఉల్లంఘన కేసులో మంత్రి స్థాయిలో ఉన్న వ్యక్తికి వారెంట్‌ జారీ కావడం సంచలనం రేపుతోంది. తదుపరి విచారణలో మంత్రి ఉత్తమ్ ఏ విధంగా స్పందిస్తారనేది ఆసక్తికరంగా మారింది.
