|
|
by Suryaa Desk | Thu, May 22, 2025, 02:58 PM
హరీష్ శంకర్ దర్శకత్వంలో టాలీవుడ్ పవర్ స్టార్ పవన్ కళ్యాణ్ ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'ఉస్తాద్ భగత్ సింగ్' అనే టైటిల్ ని లాక్ చేసారు. పవన్ కళ్యాణ్ యొక్క బిజీ షెడ్యూల్ కారణంగా ఈ సినిమా హోల్డ్ లో ఉంది. తాజాగా ఇప్పుడు ఈ సినిమా యొక్క షూటింగ్ ని త్వరలో ప్రారంభమ కానున్నట్లు మూవీ మేకర్స్ స్పెషల్ పోస్టర్ ని విడుదల చేసి అధికారికంగా ప్రకటించారు. తమిళంలో హిట్ అయిన "తేరి"కి రీమేక్ అయిన "ఉస్తాద్ భగత్ సింగ్" షూటింగ్ 20% మాత్రమే పూర్తయింది. మైత్రీ మూవీ మేకర్స్ నిర్మించిన ఈ చిత్రంలో పవన్ కళ్యాణ్ సరసన శ్రీలీల నటించింది. నవీన్ యెర్నేని, రవిశంకర్‌లు ఈ భారీ చిత్రాన్ని నిర్మిస్తున్నారు. ఈ చిత్రానికి దర్శకుడు దశరధ్ స్క్రీన్ ప్లే రాస్తున్నారు. అశుతోష్ రానా, గౌతమి, నాగ మహేష్, టెంపర్ వంశీ, కేజీఎఫ్ ఫేమ్ అవినాష్ ఇతరలు ఈ చిత్రంలో కీలక పాత్రలు పోషిస్తున్నారు. దేవి శ్రీ ప్రసాద్ ఈ సినిమాకి స్వరాలు సమకూరుస్తున్నారు. ఈ చిత్రానికి సంబంధించిన మరిన్ని వివరాల కోసం అభిమానులు ఆసక్తిగా ఎదురుచూస్తున్నారు.
Latest News
