|
|
by Suryaa Desk | Sat, Jun 07, 2025, 02:10 PM
ప్రఖ్యాత టాలీవుడ్ డైరెక్టర్ గోపీచంద్ మాలినేని దర్శకత్వంలో బాలీవుడ్ నటుడు సన్నీ డియోల్ ప్రధాన పాత్రలో నటించిన 'జాట్' చిత్రం ఏప్రిల్ 10, 2025న గ్రాండ్ గా విడుదల అయ్యింది. ఈ యాక్షన్ డ్రామా చిత్రం గ్లోబల్ బాక్స్ఆఫీస్ వద్ద సాలిడ్ కలెక్షన్స్ ని రాబట్టింది. ఈ సినిమా యొక్క డిజిటల్ స్ట్రీమింగ్ రైట్స్ ని నెట్ఫ్లిక్ సొంతం చేసుకున్న సంగతి అందరికి తెలిసిందే. తాజాగా ఇప్పుడు ఈ చిత్రం జూన్ 6న తెలుగు మరియు హిందీలో స్ట్రీమింగ్ కి అందుబాటులోకి వచ్చింది. తాజాగా ఇప్పుడు ఈ సినిమా నెట్ఫ్లిక్ ట్రేండింగ్ వన్ పోసిషన్ లో ఉన్నట్లు స్ట్రీమింగ్ ప్లాట్ఫారం ప్రకటించింది. ఈ విషయాన్ని తెలియజేసేందుకు డిజిటల్ ప్లాట్ఫారం సోషల్ మీడియాలో సరికొత్త పోస్టర్ ని విడుదల చేసింది. రెజీనా కాసాండ్రా, సైయామి ఖేర్ ఈ సినిమాలో మహిళా ప్రధాన పాత్రలలో నటిస్తున్నారు. రణదీప్ హుడా, వినీట్ కుమార్ సింగ్, జగపతి బాబు, రమ్య కృష్ణ, అజయ్ గోష్, రవి శనకర్ మరియు స్వరూపా ఘోష్ కీలక పాత్రలలో నటిస్తున్నారు. రిషి పంజాబీ సినిమాటోగ్రఫీని నిర్వహిస్తున్న ఈ చిత్రానికి నవీన్ నూలి ఎడిటింగ్ నిర్వహిస్తున్నారు. ఈ చిత్రాన్ని వరుసగా మైథ్రీ మూవీ మేకర్స్ పై నవీన్ యెర్నెని మరియు వై రవి శంకర్ మరియు పీపుల్ మీడియా ఫ్యాక్టరీ పై టిజి విశ్వ ప్రసాద్ ప్రతిష్టాత్మకంగా నిర్మించారు. ఈ చిత్రానికి థమన్ సంగీతాన్ని అందించారు.
Latest News
