|
|
by Suryaa Desk | Mon, Jun 09, 2025, 12:43 PM
ప్రజా ప్రభుత్వంలో పేద ప్రజలకు కార్పోరేట్ స్థాయి వైద్యం అందుబాటులోకి తేవడమే లక్ష్యమని మహబూబ్ నగర్ ఎమ్మెల్యే యెన్నం శ్రీనివాస్ రెడ్డి వెల్లడించారు.
సోమవారం మహబూబ్ నగర్ పట్టణంలోని ప్రణయ్ కార్డియాక్ సెంటర్లో కార్డియాక్ విభాగాన్ని ఎమ్మెల్యే ప్రారంభించారు. ఈ సందర్భంగా ఆయన మాట్లాడుతూ, “గత బిఆర్ఎస్ ప్రభుత్వంలో ఆరోగ్యశ్రీ పథకం నిర్లక్ష్యం పాలైందని, ప్రజల ఆరోగ్యం పట్ల అవసరమైన శ్రద్ధ చూపలేదని” విమర్శించారు.
ప్రజా ప్రభుత్వంలో రాజీవ్ ఆరోగ్యశ్రీ పథకాన్ని మరింత విస్తృతంగా అందించేందుకు చర్యలు తీసుకుంటున్నామని ఆయన తెలిపారు. “అందులో భాగంగా చికిత్స ఖర్చులను రూ. 10 లక్షలకు పెంచినట్టు” చెప్పారు. ఇది పేద ప్రజలకు భారీ ఊరటనివ్వనుందని పేర్కొన్నారు.
కార్డియాక్ విభాగాన్ని ఆరోగ్యశ్రీ పరిధిలోకి తీసుకురావడం ద్వారా గుండె సంబంధిత వ్యాధుల చికిత్సను పేదవారు కూడా కార్పోరేట్ స్థాయిలో పొందగలుగుతారని ఎమ్మెల్యే వివరించారు. ప్రజల ఆరోగ్యమే ధ్యేయంగా పనిచేస్తున్నామని ఆయన హామీ ఇచ్చారు.
