ఐటీ ఉద్యోగుల హక్కుల రక్షణకు ప్రత్యేక చట్టం తేవాలి: తెలంగాణ హైకోర్టు సూచన
|
|
by Suryaa Desk | Thu, Oct 23, 2025, 12:53 PM
మేడ్చల్ జిల్లా, యమ్నంపేటలో గోరక్షక్ సభ్యుడు ప్రశాంత్పై కాల్పుల ఘటన తీవ్ర కలకలం సృష్టించింది. గోవుల అక్రమ రవాణాకు అడ్డుగా నిలుస్తున్నందుకే ఈ దాడి జరిగినట్లు తెలుస్తోంది. తీవ్రంగా గాయపడిన ప్రశాంత్ను (సోనూగా కూడా పరిచయం) వెంటనే యశోద ఆస్పత్రికి తరలించారు. ప్రస్తుతం ఆయనకు వైద్యులు చికిత్స అందిస్తున్నారు. గత పది రోజుల వ్యవధిలోనే నాలుగు సార్లు గోవుల అక్రమ రవాణాను ప్రశాంత్ అడ్డుకున్న నేపథ్యంలో, ఈ దాడి ముందస్తు కుట్రగా భావిస్తున్నారు.
ఈ దాడికి ముఖ్య కారణం గోవులను అక్రమంగా తరలిస్తున్న ఇబ్రహీం అని పోలీసులు గుర్తించారు. తరచూ తన అక్రమ రవాణాను అడ్డుకుంటున్న ప్రశాంత్తో ఇబ్రహీంకు గతంలో చాలాసార్లు గొడవలు జరిగాయి. ఈ నేపథ్యంలో, ప్రశాంత్ను హతమార్చేందుకు ఇబ్రహీం పక్కా పథకం వేశాడు. ఈ కుట్రలో భాగంగా, శ్రీనివాస్ అనే వ్యక్తి ద్వారా గోవుల అక్రమ రవాణా జరుగుతోందని ప్రశాంత్కు ఫోన్ చేయించాడు. శ్రీనివాస్ చెప్పిన ప్రకారం ప్రశాంత్ యమ్నంపేటలోని నిర్మానుష్య ప్రదేశానికి చేరుకోగా, అక్కడ మాటు వేసిన ఇబ్రహీం అతనితో గొడవకు దిగాడు.
మాట మాట పెరిగి ఘర్షణ తీవ్ర రూపం దాల్చడంతో, ఇబ్రహీం ఆవేశంతో ప్రశాంత్పై రెండు రౌండ్ల కాల్పులు జరిపాడు. కాల్పులు జరిపిన వెంటనే నిందితుడు ఇబ్రహీం అక్కడి నుంచి పరారయ్యాడు. అనంతరం, టాస్క్ఫోర్స్ పోలీసుల ఎదుట స్వయంగా లొంగిపోయాడు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. గోవుల అక్రమ రవాణా నేపథ్యంలోనే ఈ దాడి జరిగినట్లు పోలీసులు ప్రాథమికంగా నిర్ధారించారు.
మరోవైపు, ప్రశాంత్పై కాల్పుల వార్త తెలియగానే రాష్ట్రవ్యాప్తంగా ఉన్న గో రక్షక్ దళ సభ్యులు పెద్ద ఎత్తున యశోద ఆస్పత్రికి చేరుకుంటున్నారు. దీంతో ఆస్పత్రి వద్ద ఉద్రిక్త వాతావరణం నెలకొంది. ఎలాంటి అవాంఛనీయ సంఘటనలు జరగకుండా ఉండేందుకు పోలీసులు భారీ ఎత్తున బందోబస్తు ఏర్పాటు చేశారు. ఆస్పత్రికి వచ్చే ప్రతి ఒక్కరిని పోలీసులు క్షుణ్ణంగా తనిఖీ చేస్తూ, పరిస్థితిని అదుపులోకి తీసుకువచ్చేందుకు కృషి చేస్తున్నారు. ప్రస్తుతం ఆస్పత్రి వద్ద భారీగా పోలీసుల మోహరింపు ఉంది.
