షాబాద్‌లో ఇందిరమ్మ మోడల్ హౌస్ ప్రారంభం

షాబాద్,  మేజర్ న్యూస్ (నవంబర్ 10)

పేదల సొంతింటి కలను సాకారం చేయడమే ప్రభుత్వ లక్ష్యమని చేవెళ్ల ఎమ్మెల్యే కాలె యాదయ్య అన్నారు. మంగళవారం షాబాద్ మండల కేంద్రంలో నూతనంగా నిర్మించిన ఇందిరమ్మ మోడల్ హౌస్‌ను ఆయన ప్రారంభించారు. ఈ సందర్భంగా ఎమ్మెల్యే మాట్లాడుతూ... రూ.5 లక్షల వ్యయంతో కేవలం 20 రోజుల్లోనే ఇందిరమ్మ ఇంటి నిర్మాణం పూర్తి చేసినట్లు తెలిపారు. అర్హులైన పేదలకు ఇందిరమ్మ ఇళ్లు అందించడమే ప్రభుత్వ లక్ష్యమని పేర్కొన్నారు. మోడల్ హౌస్ ద్వారా ఇంటి నిర్మాణ నాణ్యత, సౌకర్యాలను ప్రజలకు వివరించనున్నట్లు తెలిపారు.ఈ కార్యక్రమంలో మార్కెట్ కమిటీ చైర్మన్ పీసరి సురేందర్ రెడ్డి, ఎంపీడీవో అపర్ణ, తహశీల్దార్ ఎండీ అన్వర్, సర్పంచ్ గుండాల అశోక్, కాంగ్రెస్ నాయకులు, ప్రజాప్రతినిధులు, అధికారులు పాల్గొన్నారు.