పోరంకిలో ఘనంగా ‘మైండ్ స్పార్క్’ విజ్ఞాన ప్రదర్శన

పోరంకి మేజర్ న్యూస్ : విజయవాడ రవీంద్ర భారతి గ్రీన్ స్కూల్, పోరంకిలో ‘మైండ్ స్పార్క్’ విజ్ఞాన ప్రదర్శన అంగరంగ వైభవంగా నిర్వహించారు. ఈ కార్యక్రమంలో విద్యార్థులు ప్రదర్శించిన వినూత్న ఆవిష్కరణలు, సృజనాత్మక నమూనాలు అందరినీ మంత్రముగ్ధులను చేశాయి. ముఖ్య అతిథిగా విచ్చేసిన వి.ఆర్. సిద్ధార్థ ఇంజినీరింగ్ కళాశాల మెకానికల్ ఇంజినీరింగ్ విభాగాధిపతి డాక్టర్ ఎస్.ఎన్. రవికుమార్ ప్రతి ప్రదర్శనను ఆసక్తిగా తిలకించి విద్యార్థులను అభినందించారు. భవిష్యత్తులో విద్యార్థులు శాస్త్రవేత్తలుగా ఎదగడానికి ఇలాంటి విజ్ఞాన ప్రదర్శనలు ఎంతగానో దోహదపడతాయని పేర్కొన్నారు. పాఠశాల చైర్మన్ వీరమాచినేని వంశీకృష్ణ, అకడమిక్ డైరెక్టర్ శాంతి, ముఖ్య కార్యనిర్వహణ అధికారి గౌతమి, విభాగాధిపతులు దీప, లక్ష్మణ్, పాఠశాల ప్రిన్సిపాల్ సుజిత విద్యార్థులను అభినందించి ప్రోత్సహించారు.

స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.