ట్రస్మా రంగారెడ్డి జిల్లా నూతన కమిటీ నియామకం

ఆమనగల్లు రంగారెడ్డి:

తెలంగాణ రాష్ట్ర గుర్తింపు పొందిన ప్రైవేట్ పాఠశాలల యాజమాన్య సంఘం ట్రస్మా రంగారెడ్డి జిల్లా నూతన కమిటీని ఆ కమిటీ రాష్ట్ర అధ్యక్షుడు యాదగిరి, సలహాదారుడు తల్లోజు వెంకటయ్య,జోసఫ్ఆధ్వర్యంలో ఎన్నుకున్నట్లు చెప్పారు. ఈ సందర్భంగా వారు మాట్లాడుతూ విద్యారంగ అభివృద్ధికి, ప్రైవేట్ పాఠశాలల సమస్యల పరిష్కారానికి కృషి చేసే వారిని నియమించినట్లుచెప్పారు.జిల్లా అధ్యక్షుడిగా చుక్క అల్లాజీ గౌడ్,  వర్కింగ్ ప్రెసిడెంట్ గా కృష్ణ యాదవ్, కోశాధికారిగా వెంకట్ రెడ్డి, ఉపాధ్యక్షుడిగా  శ్రీనివాస్ గౌడ్, జాయింట్ సెక్రటరీగా  శ్రీనివాస్ రెడ్డి, రాష్ట్ర జాయింట్ సెక్రటరీగా నల్లబోలు సుధీర్ రెడ్డి, ఆర్గనైజింగ్ సెక్రటరీగా నిరంజన్, రాష్ట్ర కార్యవర్గ సభ్యులుగా శ్రీరామ్ ను  నియమించినట్లు వారు చెప్పారు.అనంతరం అల్లాజిగౌడ్ మాట్లాడుతూ, ప్రైవేట్ పాఠశాలలు యాజమాన్యాలుఎదుర్కొంటున్నసమస్యలను రాష్ట్ర కమిటీ దృష్టికి తీసుకెళ్లి వాటి పరిష్కారానికి కృషిచేస్తామని తెలిపారు. విద్యారంగంలో నాణ్యమైన విద్యను అందించేందుకు, పాఠశాలల అభివృద్ధికి, ఉపాధ్యాయుల సంక్షేమానికి, విద్యార్థుల ఉన్నత భవిష్యత్తుకు బలమైన పునాదులు వేయనున్నట్లు ఆయన పేర్కొన్నారు.ట్రస్మా రాష్ట్ర కమిటీ మార్గదర్శకత్వంలో రంగారెడ్డి జిల్లా పరిధిలోని అన్ని ప్రైవేట్ పాఠశాలల యాజమాన్యాలనుసమన్వయం చేస్తూ సంఘం బలోపేతానికి కృషి చేస్తానని పేర్కొన్నారు. నూతన కమిటీ సభ్యులకు పలువురు విద్యావేత్తలు, పాఠశాలల యాజమాన్యాలు,ఉపాధ్యాయులు అభినందనలు తెలియజేశారు.సమావేశంలో ట్రస్మా ఆమనగల్లు డివిజన్ అధ్యక్షుడిగా శివలింగం, ప్రధాన కార్యదర్శి చెన్నయ్య గౌడ్, ఆంజనేయులు, వెంకటేష్, వెంకన్న, విష్ణువర్ధన్ రెడ్డి, బిజు, సభ్యులు పాల్గొన్నారు.

ఎ. చంద్రశేఖర్, మేజర్ న్యూస్.