యూనియన్ బ్యాంకు 108వ వ్యవస్థాపక దినోత్సవ వేడుకలు

పరకాల, మేజర్ న్యూస్, యూనియన్ బ్యాంక్ ఆఫ్ ఇండియా 108వ వ్యవస్థాపక దినోత్సవ వేడుకలను బుధవారం పరకాల బ్రాంచ్‌లో ఘనంగా నిర్వహించారు. ఈ సందర్భంగా బ్రాంచ్ మేనేజర్ పి. సాయి కార్తీక్ ఆధ్వర్యంలో బ్యాంకు ఉద్యోగులు, వ్యాపారస్తులు  కేక్ కట్ చేసి సంబరాలు జరుపుకున్నారు.1919 నవంబర్ 11న ముంబైలో స్థాపించబడిన యూనియన్ బ్యాంక్ ఆఫ్ ఇండియా 107 సంవత్సరాల ప్రస్థానాన్ని పూర్తి చేసుకుని 108వ సంవత్సరంలోకి అడుగుపెట్టింది. శతాబ్దానికి పైగా దేశ ప్రజలకు బ్యాంకింగ్ సేవలు అందిస్తూ, ఆర్థిక అభివృద్ధిలో కీలక పాత్ర పోషిస్తోంది.రైతులు, చిరు వ్యాపారులు, పారిశ్రామికవేత్తలు, విద్యార్థులు, మహిళలకు వివిధ రకాల ఆర్థిక సేవలు అందించడంతో పాటు ఆధునిక డిజిటల్ బ్యాంకింగ్ సేవల ద్వారా ఖాతాదారులకు మరింత చేరువవుతోంది. ప్రజల విశ్వాసమే బ్యాంకు విజయ ప్రస్థానానికి ప్రధాన బలమని ఈ సందర్భంగా సిబ్బంది పేర్కొన్నారు.
కార్యక్రమంలో బ్రాంచ్ మేనేజర్ పి. సాయి కార్తీక్, బ్యాంకు ఉద్యోగులు పి. హెలెన్ హిల్లరీ, పి. వినయ్ కుమార్, పుష్ప, రాకేష్, బ్రహ్మచారి, కళ్యాణ్ కిషన్ తదితరులు పాల్గొన్నారు.

రిపోర్టర్: సుజాత, పరకాల ,హనుమకొండ జిల్లా