ప్రశాంత ఎన్నికలకు సహకరించండి... డిఎస్పి రాఘవులు

రాజాం,నవంబర్ 12,మేజర్ న్యూస్ :
రాజాం పురపాలక సంఘం ఎన్నికల నేపథ్యంలో  రాజాం పురపాలక సంఘం పరిధిలోని డోలపేటను గురువారం చీపురుపల్లి డిఎస్పి ఎస్ రాఘవులు సందర్శించారు.ఈ సందర్బంగా స్థానిక ప్రజలతో సమావేశం ఏర్పాటు చేసి రాబోయే పురపాలక సంఘం ఎన్నికలు ప్రశాంత వాతావరణంలో జరిగేందుకు ప్రజలుకు మోడల్ కోడ్ ఆఫ్ కండక్ట్  గూర్చి ప్రజల్లో అవగాహన కల్పించారు.రానున్న ఎన్నికలు ప్రశాంతంగా,సజావుగా జరుగుటకు ప్రజలు పోలీసులకు సహకరించాలని,ఈ ఎన్నికల్లో ఓటర్లు నిర్భయంగా,స్వేచ్ఛగా తమ ఓటు హక్కును వినియోగించుకోవాలనీ,ఎన్నికల్లో డబ్బు,మద్యం పంపిణీ వంటి అక్రమాలకు పాల్పడగూడదని ఆలా పాల్పడే వారిపై కఠిన చర్యలు తీసుకుంటామని,సామాజిక మాధ్యమాల్లో తప్పుడు వార్తలు,రెచ్చగొట్టే వ్యాఖ్యలు పోస్ట్ చేయవద్దు అని,పోలింగ్ నాడు ప్రజలు తమ ఓటు హక్కును వినియోగించుకొని వెంటనే తమ ఇండ్లకు వెళ్లిపోవాలని,ఎటువంటి అసాంఘిక కార్యకలాపాల్లో పాల్గొన రాదని అవగాహన కల్పించారు.ఈ కార్యక్రమంలో రాజాం పట్టణ సీఐ డి నవీన్ కుమార్,ఎస్ఐ మహమ్మద్ సల్మాన్ బేగ్, వార్డ్ పెద్దలు,ప్రజలు పాల్గొన్నారు.