19న మండలపరిషత్ అధ్యక్ష, ఉపాధ్యక్షుల ఎన్నిక

నెల్లిమర్ల, నవంబరు 22;

​నెల్లిమర్ల మండల పరిషత్ అధ్యక్ష, ఉపాధ్యక్ష ఎన్నికకు రంగం సిద్ధమైంది.  ఈనెల 19న నూతన మండల పరిషత్ అధ్యక్ష, ఉపాధ్యక్ష ఎన్నిక, కోఆప్టెడ్ సభ్యుల ఎన్నిక నిర్వహించనున్నట్లు ఆర్వోఓ మురళీ మోహన్ వెల్లడించారు. 
​ఎన్నిక పారదర్శకంగా జరిగేందుకు అధికార యంత్రాంగం అన్ని ఏర్పాట్లు చేస్తోంది. ఈ అధ్యక్ఞ, ఉపాధ్యక్ష ఎన్నికను పూర్తిగా చేతులెత్తే పద్ధతి ద్వారానే నిర్వహించనున్నట్లు ఆయన స్పష్టం చేశారు. ఎన్నికల ప్రక్రియ ప్రశాంతంగా, నిబంధనల ప్రకారం జరిగేలా అధికారులు పటిష్ట చర్యలు చేపట్టారు.
​ఎన్నికల సమావేశాలకు హాజరు కావాల్సిందిగా గెలుపొందిన ఎంపీటీసీ, సభ్యులందరికీ 14వలోగా లేదా అంతకంటే ముందుగానే నోటీసులు అందజేస్తారని చెప్పారు. 19న నిర్వహించే ఎంపీపీ అధ్యక్ష, ఉపాధ్యక్షులు, కోఆప్టెడ్ సభ్యుల ఎన్నికలకు సంబంధించి ఉదయం 10 గంటలలోపు నామినేషన్లు లేదా ఫారం A, B లు స్వీకరిస్తారు. మధ్యాహ్నం 12 గంటలలోపు నామినేషన్ల పరిశీలన పూర్తి చేస్తారు. మధ్యాహ్నం ఒంటి గంటలోపు నామినేషన్ల ఉపసంహరణ ప్రక్రియ ముగుస్తుంది. అనంతరం మధ్యాహ్నం ఒంటి గంటకు కోఆప్టెడ్ సభ్యుల ఎన్నిక, మధ్యాహ్నం 3 గంటలకు ఎంపీపీ అధ్యక్ష, ఉపాధ్యక్షుల ఎన్నిక నిర్వహిస్తామని చెప్పారు.