ప్రత్యేక ధరలకు నాణ్యమైన బియ్యం విక్రయాలు..

సూర్య -పెద్దపల్లి:
వినియోగదారులకు నాణ్యమైన బియ్యాన్ని ప్రత్యేక ధరలకు అందించాలనే లక్ష్యంతో పెద్దపల్లి పట్టణంలోని కనకదుర్గ ట్రేడర్స్‌లో ఏర్పాటు చేసిన ప్రత్యేక బియ్యం విక్రయ కేంద్రాన్ని అదనపు కలెక్టర్ బి. శ్రీరాములు మంగళవారం ప్రారంభించారు.
ఈ సందర్భంగా ఆయన మాట్లాడుతూ.. ప్రభుత్వం పౌరసరఫరాల శాఖ ఆధ్వర్యంలో ప్రత్యేక ధరలకు బియ్యం అందుబాటులోకి తెచ్చిందన్నారు. కేంద్రంలో బీపీటీ, కేఎన్ఎం, ఎంఆర్పీ రకం బియ్యం కిలో రూ.66కు, ఆర్ఎన్ఆర్, తెలంగాణ సోనా రూ.74కు, హెచ్ఎంటీ, జేఎస్ఆర్ రకాలు రూ.79కు విక్రయించనున్నట్లు తెలిపారు. వినియోగదారులు ఈ అవకాశాన్ని సద్వినియోగం చేసుకోవాలని సూచించారు. కార్యక్రమంలో జిల్లా పౌరసరఫరాల అధికారి కే. శ్రీనాథ్, ఇతర అధికారులు పాల్గొన్నారు.