జిల్లాలో 98 శాతం పల్స్ పోలియో పూర్తి
రంగారెడ్డి : జిల్లాలో నిర్వహించిన పల్స్ పోలియో కార్యక్రమం మొదటి రోజు విజయవంతంగా ముగిసింది. జిల్లా వ్యాప్తంగా ఐదేళ్లలోపు చిన్నారుల్లో 4,25,256 మందికి పోలియో చుక్కలు వేయగా, మొత్తం లక్ష్యంలో 98 శాతం పూర్తయినట్లు జిల్లా వైద్య ఆరోగ్య శాఖాధికారి డాక్టర్ కళ్యాణ్ చక్రవర్తి తెలిపారు. మిగిలిన చిన్నారులకు సోమ, మంగళవారాల్లో వైద్య ఆరోగ్య శాఖ ఫీల్డ్ సిబ్బంది, ఏఎన్ఎంలు, ఆశా కార్యకర్తలు ఇంటింటికీ వెళ్లి పోలియో చుక్కలు వేయనున్నట్లు వెల్లడించారు. ప్రభుత్వం కల్పించిన ఈ అవకాశాన్ని సద్వినియోగం చేసుకుని తమ పిల్లలకు తప్పనిసరిగా పోలియో చుక్కలు వేయించాలని ఆయన విజ్ఞప్తి చేశారు.
వి శ్రీనివాస్ చారి : రంగారెడ్డి - మేజర్ న్యూస్