ములకలచెరువు ఎంపీపీ దొరస్వామి నాయుడుకి టిడిపి నేతల సత్కారం : హాజరైన పచ్చిపాల రామకృష్ణ ఆచారి,పఠాన్ ఖాదర్ ఖాన్
మదనపల్లి రూరల్,మేజర్ న్యూస్ : తంబళ్లపల్లి నియోజకవర్గం,ములకలచెరువు మండల ఎంపీపీగా కట్టా దొరస్వామి నాయుడు ఏకగ్రీవంగా ఎన్నికైన సంగతి విధితమే.ఈ నేపథ్యంలో ఆదివారం మదనపల్లి పట్టణానికి చెందిన రాష్ట్ర విశ్వబ్రాహ్మణ కార్పొరేషన్ డైరెక్టర్,28వ వార్డు కౌన్సిలర్ పచ్చిపాల రామకృష్ణ ఆచారి,రాజంపేట పార్లమెంట్ ప్రధాన కార్యదర్శి,రాష్ట్ర ఉర్దూ అకాడమీ వైస్ చైర్మన్ పఠాన్ ఖాదర్ ఖాన్,రాష్ట్ర తెలుగు యువత నాయకులు పఠాన్ మహబూబ్ ఖాన్,బాబ్ జాన్ తదితరులు ఆయనను మర్యాదపూర్వకంగా కలిసి ఘనంగా సన్మానించి శుభాకాంక్షలు తెలియజేశారు.ఈ సందర్భంగా వారు మాట్లాడుతూ తెలుగుదేశం పార్టీ బలోపేతానికి కట్టా దొరస్వామి నాయుడు ఎనలేని కృషిచేస్తున్నారని,తంబళ్లపల్లిలో బలమైన నేతగా గుర్తింపు తెచ్చుకున్నారని ప్రశంసించారు.ఎంపీపీగా ఘనవిజయం సాధించడం శుభసూచకమని,ఆయన సారధ్యంలో ములకలచెరువు మండలం అభివృద్ధి పథంలో పయనించాలని సూచించారు.ప్రజాప్రతినిధిగా ప్రజల ఆశయాలకు అనుగుణంగా సేవలందించాలని తద్వారా వారి అభిమానాన్ని చురగొనాలని,భవిష్యత్తులో మరిన్ని ఉన్నత పదవులు అలంకరించాలని ఆకాంక్షించారు.
రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంఛార్జి