శెట్టిపాలెం సర్పంచ్ పదవి ఏకగ్రీవం
మాకవారపాలెం, నవంబర్ 22,మేజర్ న్యూస్: శెట్టిపాలెం పంచాయతీ సర్పంచి పదవి ఏకగ్రీవం అయినట్లు జడ్పిటిసి సభ్యులు అల్లు రామనాయుడు తెలిపారు. ఆదివారం స్థానిక వైసీపీ నాయకులు వర్రి పాత్రుడు, గొర్లి వాసు గ్రామ పెద్దల సమక్షంలో పంచాయతీ సర్పంచ్ పదవి తన సతీమణి అల్లు వెంకట వేణి కి ఏకగ్రీవంగా ఇచ్చేందుకు అంగీకరించినట్లు తెలిపారు. ఉప సర్పంచ్ పదవి వైసిపి వర్గీయులకు ఇవ్వనున్నట్లు ఆయన తెలిపారు. అనంతరం సర్పంచ్ అభ్యర్థిగా అల్లు వెంకట వేణి నామినేషన్ దాఖలు చేశారు. ఈ కార్యక్రమంలో రెండు పార్టీలకు చెందిన ముఖ్య నాయకులు పాల్గొన్నారు.