కొత్తకోట కూటమి అభ్యర్థి పాకలపాటి సునీతకు మద్దతుగా ప్రచారం
రావికమతం, మేజర్ న్యూస్: మండలంలో మేజర్ పంచాయతీ కొత్తకోట కూటమి సర్పంచ్ అభ్యర్థి జనసేన కు చెందిన పాకలపాటి సునీత విజయానికి కృషి చేయాలని ఎమ్మెల్యే కేఎస్ ఎన్ రాజు, జిల్లా టిడిపి అధ్యక్షుడు బత్తుల తాతయ్య బాబు కోరారు. కూటమి అభ్యర్థి సునీతకు మద్దతుగా ఆదివారం కొత్తకోటలో నిర్వహించిన ప్రచారంలో పాల్గొన్నారు. కూటమి ధర్మానికి కట్టుబడి టిడిపి బిజెపి, జనసేన కార్యకర్తలు సర్పంచ్ ఎన్నికలలో సమిష్టిగా పని చేయాలని కోరారు. అభివృద్ధి పనుల సిఫార్సుకు సునీతకు ప్రాధాన్యం ఇస్తామని ప్రకటించారు. కూటమి నిర్ణయానికి వ్యతిరేకంగా పనిచేసిన వారికి అభివృద్ధి పనుల సిఫార్సులను పరిగణలోకి తీసుకోమన్నారు. ఈ కార్యక్రమంలో బిజెపి రాష్ట్ర కార్యవర్గ సభ్యులు ఇర్లే శ్రీరామ మూర్తి చోడవరం జనసేన సమన్వయకర్త అంటే పీవీఎస్ఎన్ రాజు తదితరులు పాల్గొన్నారు.