*ఘనంగా పల్స్ పోలియో కార్యక్రమం ప్రారంభం*
కోహిర్;సంగారెడ్డి జిల్లా కోహిర్ మండలం దిగ్వాల్ గ్రామ పంచాయతీ కార్యాలయం వద్ద ఆదివారం పల్స్ పోలియో కార్యక్రమాన్ని గ్రామ సర్పంచ్ మహమ్మద్ అహ్మద్ ప్రారంభించారు. ఈ కార్యక్రమంలో ఉప సర్పంచ్ వెంకట కృష్ణారెడ్డి, గ్రామ పంచాయతీ సభ్యులు, వైద్యాధికారి పాల్గొన్నారు.ఈ సందర్భంగా వైద్య సిబ్బంది ఐదేళ్లలోపు చిన్నారులకు పోలియో చుక్కలు వేశారు. దిగ్వాల్ ప్రాథమిక ఆరోగ్య కేంద్రం పరిధిలో మొత్తం 2,318 మంది చిన్నారులను లక్ష్యంగా నిర్దేశించగా, ఇప్పటివరకు 2,079 మంది చిన్నారులకు పోలియో చుక్కలు వేసినట్లు అధికారులు వెల్లడించారు. మిగిలిన చిన్నారులకు కూడా పోలియో చుక్కలు వేయించేందుకు చర్యలు చేపట్టినట్లు తెలిపారు.