చిన్నారులందరికీ పోలియో చుక్కలు వేయించాలి..! గ్రామ సర్పంచ్ గోవర్ధన్ రెడ్డి
జహీరాబాద్;ఐదు సంవత్సరాల లోపు చిన్నారులందరికీ పోలియో చుక్కలు వేయించి పోలియో రహిత సమాజ నిర్మాణానికి ప్రతి ఒక్కరు బాధ్యతగా కృషి చేయాలని రాయిపల్లి (డి) సర్పంచ్ గోవర్ధన్ రెడ్డి అన్నారు. ఆదివారం గ్రామ పంచాయతీ కార్యాలయం వద్ద ఐదేళ్లలోపు చిన్నారులందరికీ తప్పనిసరిగా పోలియో చుక్కలు వేయించాలని తెలిపారు. పోలియో వైరస్ వల్ల చిన్నారులకు శాశ్వత అంగవైకల్యం వచ్చే ప్రమాదం ఉందని, పోలియో చుక్కలు వేయించడం ద్వారా ఈ వ్యాధి నుంచి రక్షణ కల్పించవచ్చని పేర్కొన్నారు. తల్లిదండ్రులు నిర్లక్ష్యం చేయకుండా ఆరోగ్య సిబ్బంది సూచనల మేరకు ప్రతి చిన్నారికి పోలియో చుక్కలు వేయించి కార్యక్రమాన్ని విజయవంతం చేయాలని కోరారు. ఈ కార్యక్రమంలో అంగన్వాడీ టీచర్లు మల్లమ్మ, విజయకుమారి, ఆశ వర్కర్ సుజాత, గ్రామ పెద్దలు విఠల్ రెడ్డి తదితరులు పాల్గొన్నారు.