సేవా దృక్పథం కలిగిన వ్యక్తి రమేష్ శెట్టి: బొమ్మన దశరథరామిరెడ్డి
వెల్దుర్తి మేజర్ న్యూస్. సేవా దృక్పథంతో పాటు ప్రజలకు మంచి చేయాలనే తపన కలిగిన వ్యక్తి తిరువీధి రమేష్ శెట్టి అని మాజీ ఎంపీపీ, గ్రామ పెద్ద బొమ్మన దశరథరామిరెడ్డి పేర్కొన్నారు. ఆదివారం స్థానిక ఏబీఎం చర్చిలో నిర్వహించిన ప్రత్యేక ప్రార్థనల్లో ఆయన పాల్గొన్నారు.ఈ సందర్భంగా దశరథరామిరెడ్డి మాట్లాడుతూ.. సర్పంచిగా పోటీ చేస్తున్న తిరువీధి రమేష్ శెట్టిని ప్రజలు ఆదరించి గెలిపించాలని కోరారు. ఈ ప్రాంతంతో తమకు ఎన్నో ఏళ్లుగా అనుబంధం ఉందని, గతంలోనూ అనేక సేవా కార్యక్రమాలు చేపట్టామని గుర్తు చేశారు. మంచి వ్యక్తులు పదవుల్లోకి వస్తేనే గ్రామం మరింత అభివృద్ధి చెందుతుందన్నారు.అనంతరం తిరువీధి రమేష్ శెట్టి మాట్లాడుతూ.. గ్రామ పెద్ద బొమ్మన దశరథరామిరెడ్డి సూచనల మేరకు గ్రామ ప్రజలకు ఎల్లప్పుడూ అందుబాటులో ఉంటూ, అన్ని విధాలా సహాయ సహకారాలు అందిస్తానని హామీ ఇచ్చారు. పాస్టర్ శశికుమార్ ఆధ్వర్యంలో ప్రత్యేక ప్రార్థనలు జరిగాయి. కార్యక్రమంలో పారిశ్రామికవేత్తలు బొమ్మన శ్రీకర్ రెడ్డి, బొమ్మన శ్రీధర్ రెడ్డి, తిరువీధి సుధీంద్ర, చర్చి సంఘం సభ్యులు తదితరులు పాల్గొన్నారు.