ఒక అవకాశం ఇస్తే 2వ వార్డు రూపురేఖలు మారుస్తా : టిడిపి కౌన్సిలర్ అభ్యర్థిని ఇడగొట్టి మల్లీశ్వరి హామీ

మదనపల్లె,మేజర్ న్యూస్ : సామాన్య మధ్య తరగతి ప్రజలు అధికంగా నివాసం ఉన్న రెండవ వార్డును పూర్తిస్థాయిలో అభివృద్ధి చేయడానికి తనకు ఒక అవకాశం ఇవ్వాలని రెండవ వార్డ్ టిడిపి కౌన్సిలర్ అభ్యర్థి ఇడగొట్టి మల్లీశ్వరి వార్డు ప్రజలను కోరారు.ఆదివారం మదనపల్లె మార్కెట్ యార్డ్ డైరెక్టర్ డాన్స్ రెడ్డెన్నతో కలిసి ఆమె విస్తృతంగా ఎన్నికల ప్రచారాన్ని నిర్వహించారు.ఈ సందర్భంగా డాన్స్ రెడ్డెన్న మాట్లాడుతూ కూటమి పార్టీల మద్దతుతో తెలుగుదేశం పార్టీ తరఫున కౌన్సిలర్ అభ్యర్థిగా తన సతీమణి ఇడగొట్టి మల్లీశ్వరి పోటీ చేయడం జరుగుతోందని,కావున సైకిల్ గుర్తుపైన కౌన్సిలర్ అభ్యర్థికి చైర్మన్ అభ్యర్థిగా శ్రీరామ్ చినబాబుకు సైకిల్ గుర్తుపైన మరో ఓటువేసి ఇద్దరిని గెలిపించాలని అభ్యర్థించారు.మల్లీశ్వరిని గెలిపిస్తే,వార్డు ప్రజలకు నిస్వార్థంగా సేవలు అందించడమే కాకుండా జవాబుదారీగా ఉంటామని స్పష్టం చేశారు.రెండవ వార్డును అభివృద్ధి చేయడానికి ఎమ్మెల్యే షాజహాన్ బాషా సహాయ,సహకారాలతో మున్సిపాలిటీ చైర్మన్ శ్రీరామ్ చినబాబు అండతో వార్డులో తాగునీరు,వీధిదీపాలు,రోడ్లు,మురుగు నీటి కాలువలు,మౌలిక సదుపాయాల కల్పనకు కట్టుబడి సేవలందిస్తామని హామీఇచ్చారు.కౌన్సిలర్ అభ్యర్థి ఇడగొట్టి మల్లీశ్వరి మాట్లాడుతూ రెండవ వార్డు ప్రజలకు నిస్వార్థంగా సేవలు అందించడానికి తాను కౌన్సిలరుగా పోటీ చేస్తున్నానని,ప్రజలు తనను ఆశీర్వదించి కౌన్సిల్ కు పంపితే వార్డు సమస్యలను పరిష్కరించేందుకు పునరంకితం అవుతామన్నారు.ఈ కార్యక్రమంలో వార్డు ప్రజలు,టిడిపి పార్టీ కార్యకర్తలు పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి