అనంతపురం జిల్లాలో నలుగురు వైఎస్సార్‌సీపీ అభ్యర్థుల నామినేషన్ల ఉపసంహరణ.. గుంతకల్లు, కనేకల్లు, రాయదుర్గం, డి.హిరేహాల్ మండలాల్లో ఉపసంహరణలు..
(అనంతపురము, కార్పొరేషన్ మేజర్ న్యూస్..)
అనంతపురం జిల్లాలో జిల్లా ప్రజా పరిషత్ ఎన్నికల ప్రక్రియలో భాగంగా నలుగురు అభ్యర్థులు తమ నామినేషన్లను ఉపసంహరించుకున్నారు. ఉపసంహరించుకున్న నలుగురూ వైఎస్సార్ కాంగ్రెస్ పార్టీకి చెందిన అభ్యర్థులని ఎన్నికల అధికారులు వెల్లడించారు. ఈ విషయాన్ని జిల్లా ప్రజా పరిషత్ ముఖ్య కార్యనిర్వహణ అధికారి సీఈఓ విజయలక్ష్మి తెలిపారు.జిల్లాలోని గుంతకల్లు, కనేకల్లు, రాయదుర్గం, డి.హిరేహాల్ మండలాలకు చెందిన అభ్యర్థులు తమ నామినేషన్లను అధికారికంగా ఉపసంహరించుకున్నట్లు అధికారులు పేర్కొన్నారు.నామినేషన్లు ఉపసంహరించుకున్న అభ్యర్థులు
గుంతకల్లు మండలంరొట్టెల శ్రీలత
కనేకల్లు మండలం గొల్ల భీమా రెడ్డి
రాయదుర్గం మండలం హరిజన వండ్రక్క
డి.హిరేహాల్ మండలం: యు. శరత్ చంద్రారెడ్డి ఎన్నికల నిబంధనలకు అనుగుణంగా సంబంధిత రిటర్నింగ్ అధికారులకు అభ్యర్థులు ఉపసంహరణ పత్రాలను సమర్పించగా, అధికారులు వాటిని పరిశీలించి ఎన్నికల రికార్డుల్లో నమోదు చేసినట్లు సమాచారం.
నలుగురు అభ్యర్థుల ఉపసంహరణతో ఆయా మండలాల్లో పోటీ చేసే అభ్యర్థుల తుది జాబితాలో మార్పులు చోటుచేసుకున్నాయి. ఎన్నికల తదుపరి ప్రక్రియను నిబంధనల ప్రకారం నిర్వహించేందుకు అధికారులు చర్యలు చేపట్టారు.జిల్లాలో ఎన్నికల ప్రక్రియ కొనసాగుతున్న నేపథ్యంలో నామినేషన్ల ఉపసంహరణలపై రాజకీయ వర్గాల్లో ఆసక్తి నెలకొంది. తుది అభ్యర్థుల జాబితా ఆధారంగా ఆయా ప్రాంతాల్లో ఎన్నికల పోటీ కొనసాగనుంది.
