32వ డివిజన్ ను అన్ని విధాలుగా అభివృద్ది చేయడమే లక్ష్యం.. టిడిపి కార్పొరేటర్ అభ్యర్థి బట్టే వెంకట కీర్తి...

తిరుపతి, మేజర్ న్యూస్ :

తిరుపతి నగరపాలక సంస్థ పరిధి లో ఎన్నికల ప్రచారంలో భాగంగా 32వ డివిజన్‌లో టిడిపి కార్పొరేటర్ అభ్యర్థి బట్టే వెంకట కీర్తి ఆదివారం ఎస్డి లేఅవుట్, ఈటి స్ట్రీట్ ప్రాంతాలలో  విస్తృతంగా ఇంటింటి ప్రచారం నిర్వహించారు. ప్రతి ఇంటికి వెళ్లి ఓటర్లను ఆత్మీయంగా కలిసి సీరియల్ నెంబర్ 1 సైకిల్ గుర్తుకు ఓటు వేసి భారీ మెజార్టీతో గెలిపించాలని విజ్ఞప్తి చేశారు.ఈ సందర్భంగా బట్టే వెంకట కీర్తి మాట్లాడుతూ, ప్రజలు తనను ఆశీర్వదించి గెలిపిస్తే  32వ డివిజన్ సమగ్ర అభివృద్ధికి నిరంతరం కృషి చేస్తానన్నారు. డివిజన్‌లో నెలకొన్న సమస్యలను దశలవారీగా పరిష్కరిస్తూ, ప్రజలకు ఎల్లప్పుడూ అందుబాటులో ఉండే ప్రజాప్రతినిధిగా సేవలందిస్తానని హామీ ఇచ్చారు.ప్రజల విశ్వాసాన్ని నిలబెట్టుకుంటూ మౌలిక సదుపాయాల అభివృద్ధి, పారిశుద్ధ్యం, తాగునీరు, వీధి దీపాలు, రహదారుల మెరుగుదలకు ప్రత్యేక ప్రాధాన్యం ఇస్తానని తెలిపారు. అభివృద్ధి, పారదర్శక పాలన కోసం సైకిల్ గుర్తుకు ఓటు వేసి తనను గెలిపించాలని డివిజన్ ప్రజలను కోరారు. ఈ ప్రచార కార్యక్రమంలో టిడిపి, జనసేన, బిజెపి  పార్టీ నాయకులు,  కార్యకర్తలు,  ప్రచారం నిర్వహించారు.

H. Dwaraka, staff reporter 
9705347341.