|
|
by Suryaa Desk | Fri, Jun 27, 2025, 03:03 PM
కోలీవుడ్ నటుడు సిద్ధార్ '3 బిహెచ్‌కె' అనే చిత్రంతో ప్రేక్షకులని అలరించటానికి సిద్ధంగా ఉన్నారు. శ్రీ గణేష్ దర్శకత్వం వహించిన ఈ చిత్రం ప్రమోషనల్ కంటెంట్ కి భారీ స్పందన లభించింది. ఈ సినిమాని తెలుగులో మైత్రి మూవీ డిస్ట్రిబ్యూటర్స్ LLP బ్యానర్ విడుదల చేస్తుంది. ఈ చిత్రం జులై 4న విడుదల కానుంది. తాజాగా ఇప్పుడు మూవీ మేకర్స్ ఈ సినిమా యొక్క ప్రీ రిలీజ్ ఈవెంట్ ని ఈరోజు అంటే జూన్ 27న సాయంత్రం 6 గంటల నుండి హైదరాబాద్ లోని ప్రసాద్ లాబ్స్ లో నిర్వహిస్తున్నట్లు ప్రకటించారు. ఈ ఈవెంట్ లో మేకర్స్ ట్రైలర్ ని కూడా లాంచ్ చేయనున్నట్లు ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ చిత్రంలో శరత్ కుమార్, దేవయానీ, యోగి బాబు, మీతా రఘునాథ్, చైత్రా మరియు ఇతరులు ముఖ్యమైన పాత్రల్లో నటించారు. ప్రఖ్యాత గాయకుడు బొంబాయి జయశ్రీ కుమారుడు అమృత్ రామ్‌నాథ్ సంగీత దర్శకుడిగా ఉండగా, దినేష్ కృష్ణన్ బి మరియు జిథిన్ సినిమాటోగ్రఫీని, గణేష్ శివ ఎడిటింగ్ ని నిర్వహిస్తున్నారు.
Latest News
