యూజిసి నిబంధన మేరకే పి హెచ్డీ ప్రవేశాలు
పాలమూరు యూనివర్సిటీ మేజర్ న్యూస్ -
ఉన్నత విద్యలో పరిశోధన ప్రమాణాలను పెంపొందిస్తూ, పీహెచ్డీ ప్రవేశాల ప్రక్రియను యూజీసీ (రివైజ్డ్ ) నిబంధనలకు అనుగుణంగా పారదర్శకంగా నిర్వహించాలని పాలమూరు యూనివర్సిటీ వీసీ ఆచార్య జి.ఎన్. శ్రీనివాస్ శుక్రవారం సూచించారు. పరిశోధన అనేది కేవలం డిగ్రీ పొందడానికే పరిమితం కాకుండా, సమాజానికి ఉపయోగపడే నూతన ఆవిష్కరణలకు దోహదపడాలని అన్నారు.
పీహెచ్డీ ప్రవేశాల నిర్వహణకు సంబంధించి యూనివర్సిటీ అకడమిక్ ఆడిట్ సెల్ రూపొందించిన ప్రతిపాదనలను వీసీ, రిజిస్ట్రార్ పీ రమేష్ బాబు ఆమోదించారు.
ఈ సందర్భంగా వీసీ మాట్లాడుతూ ,ప్రవేశాల ప్రక్రియ నుంచి పరిశోధన పూర్తయ్యే వరకు యూజీసీ మార్గదర్శకాలను కచ్చితంగా పాటించాలని, అర్హత, పారదర్శకత, నాణ్యతా ప్రమాణాలకు ప్రాధాన్యత ఇవ్వాలని సూచించారు. పరిశోధక విద్యార్థులకు నాణ్యమైన పరిశోధనా వాతావరణాన్ని కల్పించాలని పేర్కొన్నారు.*
ఈ కార్యక్రమంలో అకడమిక్ ఆడిట్ సెల్ డైరెక్టర్ ప్రొఫెసర్ ఎన్. చంద్రకిరణ్, పరీక్షల నియంత్రణ అధికారి డా. కె. ప్రవీణ, పీజీ కళాశాల ప్రిన్సిపాల్ ప్రొఫెసర్ డి. మధుసూదన్ రెడ్డి,ప్రొఫెసర్ నూర్జహాన్, జాయింట్ డైరెక్టర్ డా. విజయలక్ష్మి తదితరులు పాల్గొన్నారు.
ఎం.ఓం ప్రకాష్ .పాలమూరు యూనివర్సిటీ.మహబూబ్ నగర్