ఉపాధ్యాయుల సమస్యల పరిష్కారానికి కృషి - టీఎస్ యూటీఎఫ్ మండల అధ్యక్షుడు రవీందర్.
రామచంద్రాపురం.; తెలంగాణ రాష్ట్ర ఐక్య ఉపాధ్యాయ ఫెడరేషన్ రామచంద్రాపురం మండల మహాసభ శుక్రవారం మండల అధ్యక్షులు ఎస్. రవీందర్ అధ్యక్షతన నిర్వహించారు. ఈ సందర్భంగా 2026–27 సంవత్సరానికి నూతన కార్యవర్గాన్ని ఏకగ్రీవంగా ఎన్నుకున్నారు.ముఖ్య అతిథిగా హాజరైన రాష్ట్ర కోశాధికారి టి. లక్ష్మారెడ్డి మాట్లాడుతూ జీఓ 25ను సవరించాలని, పాఠశాలల్లో ఉపాధ్యాయుల కొరతను తీర్చాలని, పీఆర్సీని అమలు చేయాలని, సీపీఎస్ రద్దు చేసి పాత పెన్షన్ విధానాన్ని పునరుద్ధరించాలని ప్రభుత్వాన్ని డిమాండ్ చేశారు. కేజీబీవీ, మోడల్ స్కూల్స్, గురుకుల ఉపాధ్యాయుల సమస్యలను పరిష్కరించాలని కోరారు.
నూతన మండల అధ్యక్షుడిగా బి. డానియేల్, ప్రధాన కార్యదర్శిగా ఎస్. రవీందర్, ఉపాధ్యక్షులుగా ఆర్. నర్సింగరావు, జి. సునీత, కోశాధికారిగా యు. సిద్ధేశ్వర్ ఎన్నికయ్యారు. నూతన అధ్యక్షుడు డానియేల్ మాట్లాడుతూ ఉపాధ్యాయుల సమస్యల పరిష్కారానికి, ప్రభుత్వ విద్యారంగ బలోపేతానికి కృషి చేస్తానని తెలిపారు.ఈ కార్యక్రమంలో జిల్లా కార్యదర్శి కృష్ణంరాజు, దిలీప్ సింగ్ ఠాకూర్, జి. విశాలి, లీలాకుమారి తదితరులు పాల్గొన్నారు