BREAKING
ఘనంగా గ్రంథాలయాల 59వ వారోత్సవాల ముగింపు వేడుకలు స్విమ్మింగ్‌లో అనంతలక్ష్మి విద్యార్థుల సత్తా.. రాష్ట్రస్థాయికి 8 మంది ఎంపిక నల్లమాడ సర్పంచ్ గా గెలిపిస్తే...పంచాయతీ రూపురేఖలు మారుస్తా... దాసరి సూర్యనారాయణ రెడ్డి అల్లా దయతో ఆదరించండి :సర్పంచ్ అభ్యర్థులు భూ భారతి, భూముల రీ సర్వేపై రైతులకు అవగాహన కల్పించాలి జిల్లా కలెక్టర్ ప్రతీక్ జైన్ 12వ వార్డులో ఇందిరమ్మ భీమా పథకాన్ని ప్రారంభించిన కౌన్సిలర్ పులిమామిడి మమత రాజు ఎన్నికల నామినేషన్ల పర్వం పారదర్శకంగా చేయాలి.. ఎంపీడీవో ఉషారాణి. అర్హులైన లబ్ధిదారులకు కొత్త రేషన్ కార్డుల పంపిణీ ఒక్కరోజు ఆమె పాత్రలో.. మహిళల కష్టాలకు సెల్యూట్! ఉపాధ్యాయుల సమస్యల పరిష్కారానికి కృషి - టీఎస్ యూటీఎఫ్ మండల అధ్యక్షుడు రవీందర్. అట్టహాసంగా ముగిసిన 59వ జాతీయ గ్రంథాలయ వారోత్సవాలు : హాజరైన ప్రముఖులు,కవులు,విద్యార్థులు : ప్రతిభ చాటిన విద్యార్థులకు బహుమతులు ప్రదానం విద్యుత్ షార్ట్ సర్క్యూట్‌తో కాలి బూడిదైన 11 ఎకరాల చెరుకు తోట ​పునీత్ కుమార్ పుట్టినరోజు వేళ పలు సేవా కార్యక్రమాలు : చీరలు,హెల్మెట్ల పంపిణీ,అన్నవితరణ కార్యక్రమం : యువతకు స్ఫూర్తిగా నిలుస్తున్నారని పలువురు ప్రశంసలు జాతీయ స్థాయి వాలీబాల్ పోటీలకు సంగారెడ్డి విద్యార్థిని ఎంపిక ప్రమాదంలో మృతి చెందిన సారవ్వ కుటుంబానికి అండగా ఉంటాం

ఒక్కరోజు ఆమె పాత్రలో.. మహిళల కష్టాలకు సెల్యూట్!

Select Suryaa Now
ఒక్కరోజు ఆమె పాత్రలో.. మహిళల కష్టాలకు సెల్యూట్!

చౌటుప్పల్‌, మేజర్ న్యూస్: అంతర్జాతీయ పురుషుల దినోత్సవం సందర్భంగా ఫిజియోథెరపిస్ట్ డాక్టర్ గుండేబోయిన రమేష్ యాదవ్ మహిళలు నిత్యం ఎదుర్కొంటున్న కష్టాలు, బాధ్యతలను ప్రత్యేకంగా వివరించారు. ఈ సందర్భంగా ఆయన మాట్లాడుతూ.. మహిళలు కుటుంబం కోసం ఉదయం నిద్రలేచినప్పటి నుంచి రాత్రి నిద్రపోయే వరకు ఎన్నో పనులు చేస్తూ నిరంతరం శ్రమిస్తారని తెలిపారు.

ఇంటి పనులు, వంటావార్పు, పిల్లల సంరక్షణ, కుటుంబ సభ్యుల అవసరాలు తీర్చడం, ఇంటి నిర్వహణ వంటి బాధ్యతలను మహిళలు ఎంతో ఓర్పుతో నిర్వర్తిస్తారని పేర్కొన్నారు. ఉద్యోగం చేసే మహిళలు ఇంటి బాధ్యతలతో పాటు వృత్తిపరమైన బాధ్యతలను కూడా సమర్థంగా నిర్వహిస్తూ ఎన్నో సవాళ్లను ఎదుర్కొంటున్నారని వివరించారు.

పురుషుల దినోత్సవం సందర్భంగా తాను ఒక్కరోజు మహిళలు ప్రతిరోజూ చేసే పనులు, బాధ్యతలను స్వయంగా చేపట్టినప్పుడు వారి శ్రమ, ఓర్పు, సహనం ఎంత గొప్పవో అర్థమైందని అన్నారు. మహిళలు చేసే పనులను తేలికగా తీసుకోకూడదని, ప్రతి పని వెనుక ఎంతో శారీరక శ్రమ, మానసిక ఒత్తిడి దాగి ఉంటాయని తెలిపారు.

కుటుంబంలో మహిళల బాధ్యతలను పురుషులు కూడా పంచుకోవాలని, వారి అభిప్రాయాలకు గౌరవం ఇవ్వాలని సూచించారు. మహిళల ఆరోగ్యం, విశ్రాంతి, ఆనందానికి కుటుంబ సభ్యులు ప్రాధాన్యత ఇవ్వాలని కోరారు. మహిళల శ్రమను గుర్తించడం ఒక్కరోజుకే పరిమితం కాకుండా ప్రతిరోజూ వారిని గౌరవించాలని అన్నారు.

మహిళల బాధ్యతలను పంచుకోవడం, వారి శ్రమకు తగిన గుర్తింపు ఇవ్వడం ప్రతి ఒక్కరి బాధ్యత. సమానత్వం, పరస్పర గౌరవంతోనే సంతోషకరమైన కుటుంబం, ఆరోగ్యకరమైన సమాజం సాధ్యమవుతుందని డాక్టర్ గుండబోయిన రమేష్ యాదవ్ పేర్కొన్నారు