వినోద్ మన్కడ్ అండర్‌–19లో దుర్గా ఉజ్వల్ ఆల్‌రౌండ్ ప్రతిభ
వినోద్ మన్కడ్ అండర్‌–19లో దుర్గా ఉజ్వల్ ఆల్‌రౌండ్ ప్రతిభ
బ్యాటింగ్‌, బౌలింగ్‌లో అద్భుత ప్రదర్శన
వినోద్ మన్కడ్ జట్టులో మూడో ర్యాంకు సాధించిన యువ క్రికెటర్‌
కోచ్‌ కిరణ్‌ రెడ్డి శిక్షపోటీల్లో నిలకడైన ఆటతీరుతో ఆకట్టుకున్నాడు. ముఖ్యంగా బ్యాటింగ్‌, బౌలింగ్‌ రెండు విభాగాల్లోనూ సమర్థవంతంగా రాణిస్తూ జట్టుకు తనవంతు సహకారం అందిస్తున్నాడు. అండర్‌–19 క్రికెట్‌ పోటీల్లో అత్యుత్తమ ప్రదర్శన కనబరిచి మూడో ర్యాంకు సాధించడం అతని ప్రతిభకు నిదర్శ
నంగా నిలుస్తోంది.
వినోద్ మన్కడ్ టోర్నీలో ప్రతిభ..
ప్రతిష్టాత్మక వినోద్ మన్కడ్ అండర్‌–19 క్రికెట్‌ టోర్నీలో తన ఆటతీరుతో ఉజ్వల్ అందరి దృష్టిని ఆకర్షిస్తున్నాడు. పరిమిత ఓవర్ల క్రికెట్‌లోనూ, సుదీర్ఘ ఫార్మాట్‌లోనూ తన సామర్థ్యాన్ని నిరూపించుకునే దిశగా ముందుకు సాగుతున్నాడు. ప్రతి మ్యాచ్‌లోనూ మెరుగైన ప్రదర్శన చేయాలనే తపన, ఆటపై అంకితభావం అతడిని విజయాల బాటలో నడిపిస్తున్నాయి.
జీకేఆర్‌ అకాడమీలో శిక్షణ..
బడంగ్‌పేట్‌లోని జీకేఆర్‌ క్రికెట్‌ అకాడమీలో కోచ్‌ కిరణ్‌ రెడ్డి మార్గదర్శకత్వంలో దుర్గా ఉజ్వల్ శిక్షణ పొందుతున్నాడు. కోచ్‌ అందిస్తున్న ప్రత్యేక శిక్షణ, నిరంతర సాధన, క్రమశిక్షణతో తన ఆటతీరును రోజురోజుకూ మెరుగుపరుచుకుంటున్నాడు. శిక్షణలో నేర్చుకున్న మెలకువలను మైదానంలో ప్రదర్శిస్తూ అండర్‌–19 స్థాయిలో మంచి గుర్తింపు సాధిస్తున్నాడు. ఉజ్వల్ సాధిస్తున్న విజయాల పట్ల జీకేఆర్‌ అకాడమీ నిర్వాహకులు హర్షం వ్యక్తం చేస్తూ అతడిని సన్మానించారు.
భవిష్యత్తుపై ఎన్నో ఆశలు..
చిన్న వయసులోనే హైదరాబాద్‌ అండర్‌–19 క్రికెట్‌లో ప్రతిభ చాటుతూ మూడో ర్యాంకు సాధించిన దుర్గా ఉజ్వల్ భవిష్యత్తులో మరిన్ని విజయాలు సాధించాలని క్రీడాభిమానులు ఆకాంక్షిస్తున్నారు. ఇదే పట్టుదలతో సాధన కొనసాగిస్తే రాష్ట్రస్థాయి నుంచి జాతీయస్థాయి క్రికెట్‌ వరకు ఎదిగే అవకాశాలు ఉన్నాయని ఆశాభావం వ్యక్తం చేస్తున్నారు. యువ క్రీడాకారులకు ఉజ్వల్ ప్రస్థానం స్ఫూర్తిదాయకంగా నిలుస్తోంది.
