అంగన్వాడీ లో మరుగు దొడ్ల నిర్మాణానికి శంకుస్థాపన *పనులు ప్రారంబించిన సర్పంచ్ సందీప్, అధికారులు
వేములపల్లి,మేజర్ న్యూస్:
వేములపల్లి మండల కేంద్రమైన వేములపల్లి గ్రామ పంచాయతీలో గ్రామీణ ఉపాధి హామీ పథకంలో మండల కేంద్రంలో ఉన్న అంగన్వాడీ భవనం వద్ద నూతనంగా నిర్మించే మరుగుదొడ్ల నిర్మాణ పనులకు గ్రామపంచాయతి సర్పంచి పుట్టల సందీప్, ఉపాధి హామీ మండల ఇంజనీర్ బాలునాయక్ అంగన్వాడీ పర్యవేక్షకురాలు పరిమి రజిని, పంచాయతీ కార్యదర్శిశ్రీకాంత్,లతో కలిసి ప్రారంభించారు.మరుగుదొడ్ల నిర్మాణం తోపాటు సాధారణ ఇంకుడు గుంతలు, మాయాజాల ఇంకుడు గుంతలు, ఇంకుడు గుంతలకు సంబంధించిన పనులకు గుర్తులు వేయడం జరిగింది.
అంగన్వాడీ కేంద్రంలో చిన్నారులు, గర్భిణీలు, బాలింతలకు పరిశుభ్రమైన మరుగుదొడ్ల సౌకర్యం ఎంతో అవసరమని, ఈ నిర్మాణంతో ఆ సమస్య తీరుతుందని సర్పంచి పుట్టల సందీప్ తెలిపారు. గ్రామంలో పరిశుభ్రతను పెంచేందుకు ఇంకుడు గుంతల నిర్మాణం చేపడుతున్నట్లు అయన తెలిపారు. ఈ కార్యక్రమంలో క్షేత్ర సహాయకురాలు గుడుగుంట్ల తులసి గ్రామపంచాయతీ, అంగన్వాడీ ఉపాధి హామీ,సిబ్బంది తదితరులు పాల్గొన్నారు,
