విద్యార్థుల సృజనాత్మకతకు అద్దం పట్టిన 3D ప్రాజెక్టుల ప్రదర్శన

సూర్య – పెద్దపల్లి రూరల్ :

మదర్ థెరిసా ఇంజినీరింగ్ కళాశాలలో ఫార్మాస్యూటికల్ ఇంజినీరింగ్ విద్యార్థుల ఆధ్వర్యంలో నిర్వహించిన ‘ఫార్మనోవా – అనాటమీ 3D ప్రాజెక్ట్ ఎగ్జిబిషన్’ ఆకట్టుకుంది. నవంబర్ 10న కళాశాల సెమినార్ హాల్‌లో నిర్వహించిన ఈ ప్రదర్శనలో విద్యార్థులు మానవ శరీర నిర్మాణానికి సంబంధించిన వివిధ అవయవాల 3D నమూనాలను రూపొందించి ప్రదర్శించారు.
గుండె, మెదడు, ఊపిరితిత్తులు, జీర్ణవ్యవస్థ, అస్థిపంజర వ్యవస్థ తదితర అవయవాల నమూనాలను సృజనాత్మకంగా రూపొందించడంతోపాటు వాటి పనితీరును వివరించారు. విద్యార్థుల ప్రతిభ, సృజనాత్మకతను కళాశాల డైరెక్టర్ నవత, ప్రిన్సిపాల్ డాక్టర్ టి.శ్రీనివాస్, పవన్, విభాగాధిపతులు, అధ్యాపకులు అభినందించారు.
ఇలాంటి ప్రదర్శనలు విద్యార్థుల్లో ప్రాక్టికల్ నాలెడ్జ్, పరిశోధనా దృక్పథం, సాంకేతిక నైపుణ్యాలను పెంపొందించడంతోపాటు పుస్తక జ్ఞానాన్ని ఆచరణలో చూపేందుకు దోహదపడతాయని వారు పేర్కొన్నారు. ‘ఎక్స్‌ప్లోర్ – లెర్న్ – ఎక్స్‌పీరియన్స్’ నినాదంతో నిర్వహించిన ఈ కార్యక్రమం విద్యార్థుల్లో ఉత్సాహాన్ని నింపింది. కార్యక్రమ విజయానికి సహకరించిన యాజమాన్యం, అధ్యాపకులు, విద్యార్థులకు నిర్వాహకులు కృతజ్ఞతలు తెలిపారు.