నూతన పెన్ష పత్రాలుపంపిణీ
మర్కుక్ ; మండలంలో ని భావనందాపూర్ గ్రామంలో అర్హులైన లబ్ధిదారులకు నూతన సామాజిక భద్రతా పెన్షన్లను సర్పంచ్ సత్తెమ్మ రమేష్ గురువారం పంపిణీ చేశారు. గ్రామ పంచాయతీ కార్యాలయంలో నిర్వహించిన ఈ కార్యక్రమంలో వృద్ధాప్య, వితంతు, దివ్యాంగుల పెన్షన్ మంజూరు పత్రాలను లబ్ధిదారులకు అందజేశారు. ఈ సందర్భంగా సర్పంచ్ మాట్లాడుతూ.. పేద మరియు బడుగు బలహీన వర్గాల సంక్షేమమే ప్రభుత్వ ప్రధాన లక్ష్యమని పేర్కొన్నారు. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని, ఎవరూ ఆందోళన చెందాల్సిన అవసరం లేదని భరోసా ఇచ్చారు. నూతన పెన్షన్లు మంజూరు కావడంపై లబ్ధిదారులు హర్షం వ్యక్తం చేశారు. ఈ కార్యక్రమంలో ఉప సర్పంచ్, వార్డు సభ్యులు, పంచాయతీ కార్యదర్శి మరియు గ్రామస్తులు పెద్ద సంఖ్యలో పాల్గొన్నారు.