మక్కువ ఎంపీపీగా మావుడి రామలక్ష్మి ఏకగ్రీవంగా ఎన్నిక
మక్కువ, సూర్య: సాలూరు నియోజకవర్గం లో రాజకీయ ప్రత్యేకత కలిగి ఉన్న మక్కువ మండల పరిషత్ అధ్యక్షురాలుగా వైసీపీ మండల పార్టీ అధ్యక్షులు మావుడి రంగు నాయుడు సతీమణి మావుడి రామలక్ష్మి ఏకగ్రీవంగా ఎన్నికైనారు. వైస్ ఎంపీపీగా శంబర ఎంపీటీసీ అల్లు లీలావతి ఎన్నికయ్యారు. ఎంపీపీగా ఎన్నికైన మావుడి రామలక్ష్మి కి, వైస్ ఎంపీపీగా ఎన్నికైన అల్లు లీలావతికి ఎన్నికల రిటర్నింగ్ అధికారి జి రామారావు ఎన్నిక పత్రాలను అందజేశారు. రాజకీయాలకు తొలి పరిచయమైన మావుడి రామలక్ష్మి ఎంపీపీగా ఎన్నిక కావడంతో కార్యాలయ వర్గాల తో పాటు అభిమానుల అభినందనలు వెల్లువెత్తాయి. ప్రమాణ స్వీకరణ కార్యక్రమానికి అధికార తెలుగుదేశం పార్టీ నుండి గెలుపొందిన ఐదుగురు ఎంపీటీసీలు కూడా హాజరయ్యారు. ప్రమాణ స్వీకారం అనంతరం టిడిపి నుండి గెలుపొందిన మండల పార్టీ అధ్యక్షులు గుళ్ల వేణుగోపానాయుడు భార్యతో సహా ఐదుగురు ఎంపీటీసీలు కార్యక్రమం నుండి వెళ్లిపోయారు. బీఎస్పీ పార్టీ నుండి ఏ వెంకంపేట ఎంపీటీసీగా గెలుపొందిన పెంట ఉమ కార్యక్రమానికి హాజరు కాలేదు. మండల వైసీపీ పార్టీ అధ్యక్షులు మావుడి రంగు నాయుడు సతీమణి మావుడి రామలక్ష్మి మక్కువ మండల పరిషత్ అధ్యక్షుల పీఠాన్ని అధిష్టించడంతో మండల వైసీపీ శ్రేణుల్లో ఆనందోత్సవాలు వెళ్లువిరిసాయి. అధికారంలో కూటమి ప్రభుత్వం ఉన్నప్పటికీ మక్కువలో మండల పరిషత్ ఎన్నికల్లో వైసీపీ జెండా ఎగరవేయడం రాజకీయ ప్రత్యేకతను సంతరించుకుంది. విజయోత్సవ వేడుకల్లో భాగంగా మక్కువ పురవీధుల్లో అడుగడుగున మండల అధ్యక్ష పీఠాన్ని అలంకరించిన మావుడి రామలక్ష్మి తో పాటు మండల పార్టీ అధ్యక్షులు మావుడి రంగునాయుడు, మావుడి శ్రీనివాసరావులకు జన అభిమాన నీరాజనాల అందించారు. ఈ సందర్భంగా మక్కువలో బాణాసంచా మూతలతో ణ దద్దరిల్లింది. ఈ కార్యక్రమంలో మండలంలో గల అన్ని గ్రామాల వైసీపీ శ్రేణులు పెద్ద ఎత్తున హాజరయ్యారు.