125 పుస్తకాలు అందించిన యద్దనపూడి ఎంఈఓ గోపి : అభినందించిన జిల్లా కలెక్టర్.
బాపట్ల, మేజర్న్యూస్ :
కలెక్టరేట్లో ఏర్పాటు చేసిన గ్రంథాలయానికి 125 పుస్తకాలు బహుకరించిన యద్దనపూడి మండల విద్యాశాఖ అధికారి గోపిని జిల్లా కలెక్టర్ డాక్టర్ వినోద్ కుమార్ వి., ఐఏఎస్ అభినందించారు.
కలెక్టరేట్ ఉద్యోగుల్లో పఠనాసక్తిని పెంపొందించి, విజ్ఞానాన్ని అందరికీ చేరువ చేయాలనే ఉద్దేశంతో కలెక్టర్ నూతన వీడియో కాన్ఫరెన్స్ హాల్లో గ్రంథాలయాన్ని ఏర్పాటు చేశారు. గ్రంథాలయానికి పుస్తకాలు అందించాలని ఆయన ఇచ్చిన పిలుపునకు స్పందించిన ఎంఈఓ గోపి, 125 పుస్తకాలను విరాళంగా అందించారు. గ్రంథాలయ అభివృద్ధికి గోపి అందించిన సహకారం అభినందనీయమని కలెక్టర్ పేర్కొన్నారు. పుస్తక పఠనాన్ని ప్రోత్సహించే ఈ కార్యక్రమంలో అధికారులు, ఉద్యోగులు, స్వచ్ఛంద సంస్థలు భాగస్వాములు కావాలని ఆయన పిలుపునిచ్చారు.