ఉస్మానియా మెడికల్ కాలేజీలో పీజీ సీటు సాధించిన డా. సాయి సువర్దన్కు ఘనంగా సన్మానం. :
సూర్య ముధోల్ మండలం :
ముధోల్ ప్రభుత్వ ఆసుపత్రిలో విధులు నిర్వహిస్తున్న డా. సాయి సువర్దన్ ఉస్మానియా మెడికల్ కాలేజీలో జనరల్ మెడిసిన్ విభాగంలో పీజీ సీటు సాధించారు. ఈ సందర్భంగా బుధవారం ఆసుపత్రి సిబ్బంది ఆయనను ఘనంగా సన్మానించి అభినందించారు. కార్యక్రమంలో ఆసుపత్రి సూపరింటెండెంట్ డా. అనిల్ కుమార్ మాట్లాడుతూ, డా. సువర్దన్ సాధించిన విజయం అభినందనీయమని పేర్కొని శుభాకాంక్షలు తెలిపారు. ఆసుపత్రి సిబ్బంది సహకారం, గ్రామ పెద్దలు, ప్రజల ఆశీర్వాదంతోనే ఈ విజయం సాధ్యమైందని డా. సువర్దన్ కృతజ్ఞతలు తెలిపారు. కార్యక్రమంలో డా. మల్లికార్జున్, నర్సింగ్ అధికారులు, సిబ్బంది తదితరులు పాల్గొన్నారు.