ఇందిరమ్మ ఇళ్ల పత్రాల పంపిణీ నిరుపేదల సొంతింటి కలను సాకారం చేయడమే ప్రభుత్వ లక్ష్యం
రామాయంపేట ; నిరుపేద కుటుంబాలకు సొంతింటి కలను నెరవేర్చడమే లక్ష్యంగా కాంగ్రెస్ ప్రభుత్వం ఇందిరమ్మ ఇళ్ల పథకాన్ని అమలు చేస్తోందని రామాయంపేట మండలం కాట్రా యాల గ్రామ సర్పంచ్ కొత్త స్రవంతి రాజేందర్ గుప్తా తెలిపారు. ఎన్నికల సమయంలో ఇచ్చిన హామీ మేరకు అర్హులైన పేదలకు ఇందిరమ్మ ఇళ్లను మంజూరు చేస్తూ వారి సొంతింటి కలను సాకారం చేసేందుకు ప్రభుత్వం కృషి చేస్తోందని పేర్కొన్నారు.
ఈ సందర్భంగా శుక్రవారం కార్యాల గ్రామంలో నూతనంగా ఇందిరమ్మ ఇళ్లు మంజూరైన లబ్ధిదారులకు సర్పంచ్ కొత్త స్రవంతి రాజేందర్ గుప్తా ఇందిరమ్మ ఇళ్ల మంజూరు పత్రాలను పంపిణీ చేశారు. ఈ సందర్భంగా ఆమె మాట్లాడుతూ, ప్రభుత్వం అందిస్తున్న ఈ అవకాశాన్ని లబ్ధిదారులు సద్వినియోగం చేసుకోవాలని సూచించారు. ఇళ్ల నిర్మాణాలను ప్రభుత్వ నిబంధనల ప్రకారం చేపట్టి, ఇంటి నిర్మాణ పనులను పూర్తి చేసుకోవాలని తెలిపారు.
ఈ కార్యక్రమంలో ఉపసర్పంచ్ బాబు నాయక్, కాంగ్రెస్ పార్టీ గ్రామ అధ్యక్షుడు నరేష్తో పాటు గ్రామ ప్రజలు, లబ్ధిదారులు పాల్గొన్నారు.